ბათუმის შოთა რუსთაველის სახელმწიფო უნივერსიტეტის პროფესიული პროგრამების მართვისა და უწყვეტი განათლების ცენტრი ინტერნაციონალიზაციის ხელშეწყობის ფარგლებში 2026 წლის ივლისიდან ტექნიკური და პროფესიული განათლების ევროპული ფორუმის-EFVET (European Forum of Technical and Vocational Education and Training) წევრია.

EFVET წარმოადგენს პროფესიული განათლების ერთ-ერთ ყველაზე მსხვილ და გავლენიან ევროპულ ქსელს, რომელიც აერთიანებს 500-ზე მეტ პროფესიული განათლების ორგანიზაციას 60-ზე მეტი ქვეყნიდან.

ორგანიზაციის მიზანია საერთაშორისო თანამშრომლობის გაძლიერება, საუკეთესო პრაქტიკის გაზიარება, პროფესიული განათლების ხარისხის განვითარება და ევროპულ პროექტებში მონაწილეობის ხელშეწყობა( Erasmus+, Horizon Europe, Digital Europe, AMIF)

EFVET-ის წევრობა ბათუმის შოთა რუსთაველის სახელმწიფო უნივერსიტეტს უხსნის ახალ შესაძლებლობებს საერთაშორისო პარტნიორობის ზრდისა და გამოცდილების განვითარების მიმართულებით პროფესიულ განათლებაში.

წევრობის ფარგლებში ცენტრი შეძლებს:

• საერთაშორისო პროფესიულ ქსელებში აქტიურ მონაწილეობას;
• ევროპულ პროფესიულ საგანმანათლებლო დაწესებულებებთან თანამშრომლობის გაღრმავებას;
• საერთაშორისო პროექტებში ჩართულობას;
• პროფესიული განათლების თანამედროვე ევროპული პრაქტიკისა და გამოცდილების გაზიარებას;
• პროფესიული განათლების სფეროში ინოვაციური მიდგომების გაცნობასა და დანერგვას;
• სტუდენტებისა და პროფესიული განათლების მასწავლებლებისთვის საერთაშორისო შესაძლებლობების გაფართოებას.