ბათუმის შოთა რუთაველის სახელმწიფო უნივერსიტეტის პროფესიული პროგრამების მართვისა და უწყვეტი განათლების ცენტრში პირველი შუალედური შეფასება ჩატარდა. პროფესიული საგანმანათლებლო პროგრამის „საფინანსო სერვისები" სტუდენტების შეფასებაში მონაწილეობა მიიღეს ბსუ-ს პარტნიორი ორგანიზაციების წარმომადგენლებმა და პოტენციურმა დამსაქმებლებმა.
9-11 დეკემბერს, ბსუ-ს პროფესიული პროგრამების მართვისა და უწყვეტი განათლების ცენტრში, პროფესიული უნარების სააგენტოს ორგანიზებითა და მხარდაჭერით, ცენტრის პროფესიული მასწავლებლებისთვის მანანა მახარაშვილმა ტრენინგი „სწავლა სწავლების თანამედროვე მიდგომები პროფესიულ განათლებაში და პროფესიული სტუდენტების მიღწევების შეფასება" ჩაატარა. ტრენინგ-მოდულებზე განხილული იყო მნიშვნელოვანი საკითხები, რომლებიც ცენტრის მასწავლებლების პროფესიულ განვითარებას შეუწყობს ხელს.
ბათუმის შოთა რუსთაველის სახელმწიფო უნივერსიტეტი აცხადებს გარე მობილობას პროფესიულ საგანმანათლებლო პროგრამაზე „ინფორმაციის ტექნოლოგიის მხარდაჭერა“ 2022 წლის 01 დეკემბრიდან 2022 წლის 08 დეკემბრის ჩათვლით.
ბათუმის შოთა რუსთაველის სახელმწიფო უნივერსიტეტის პროფესიული საგანმანათლებლო პროგრამების „სატყეო საქმე “და „მებაღეობა“ სტუდენტებისათვის და პროგრამაში ჩართული პერსონალისთვის შედგა წიგნის „აჭარის ხელუხლებელი ტყეები“ წარდგენა (ავტორები: ქეთევან სამადაშვილი, ლელა ჯანაშია, დავით ხარაზიშვილი). შეხვედრას ესწრებოდნენ წიგნის ავტორები ქეთევან სამადაშვილი და დავით ხარაზიშვილი, საერთაშორისო ექსპერტი დოქტორი ფელიქს ნეშერი და აჭარის სატყეო პროექტის ეროვნული კოორდინატორი ვახტანგ წულაძე.
ბსუ-მ პროფესიული გადამზადების პროგრამის „მცენარეთა ინტეგრირებული დაცვა“ განხორციელების უფლება მოიპოვა. პროგრამა განკუთვნილია დარგით დაინტერესებული პირებისათვის, არსებული სპეციალისტებისა და ფერმერებისათვის. სასწავლო კურსი მომზადდა ფიტოსანიტარიის პროექტის ფარგლებში, რომელსაც ახორციელებს „მომავლის ფერმერი” აშშ-ის სოფლის მეურნეობის დეპარტამენტის მხარდაჭერით.
