ბათუმის შოთა რუსთაველის სახელმწიფო უნივერსიტეტში ევროპის კვირეული გაიმართება.

კვირეულის განმავლობაში დაგეგმილია შემდეგი ღონისძიებები:

1. 7 მაისი, 15:00 საათი

სტუდენტთა ინტელექტუალური ტურნირი "რა, სად, როდის?"  თემაზე "ევროპა და ევროკავშირი",   #55 აუდიტორია, კოორდინატორი გ. მასალკინი;

          7 მაისი 17:00 საათი

ევროპის დღისადმი მიძღვნილი ღონისძიება  ბსუ-ს კინოკლუბში: პირველი საჯარო სკოლის კინოკლუბი, მასტერკლასის ლიტერატურული კლუბი. ეტორე სკოლას „მეჯლისი“-ს ჩვენება და განხილვა, დასწრება თავისუფალია;

#55 აუდიტორია;

2.  8 მაისი, 15 : 00 საათი

შეხვედრა თემაზე "ჩემი ევროპული უნივერსიტეტი"

შეხვედრა ბსუ-ს "ერაზმუს+"-სა/სხვა გაცვლით პროგრამებში მონაწილე სტუდენტებთან, ამჟამად ევროპაში სასწავლებლად მყოფ სტუდენტებთან (ონლაინ რეჟიმში), ასევე, 2023-2024 სასწავლო წლისთვის "ერაზმუს+" კონკურსში გამარჯვებულ სტუდენტებთან.

აუდ.  #32 აუდიტორია;

3. 11 მაისი, 12:00 საათი

წიგნის პრეზენტაცია: ლ. ბაჟუნაიშვილი, ი. გორგილაძე, ,,ევროპული ერთობა, იდეა, პოლიტიკა, ინტეგრაცია"; 

4. 11-14 მაისი

ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტს სტრასბურგის უნივერსიტეტის ჟურნალისტური განათლების საუნივერსიტეტო ცენტრის (Centre universitaire d'enseignement du journalisme - CUEJ) სტუდენტები და პროფესორები ეწვევიან (5 პროფესორი და 15 სტუდენტი). „ციფრული მედიისა და ინოვაციების“ სპეციალობის სტუდენტები უცხოელ კოლეგებთან ერთობლივად წერილობით და აუდიოვიზუალურ არაერთ ჟურნალისტურ მასალას მოამზადებენ. ფრანგულ-ქართული ჯგუფები, რომლებიც სტუდენტებით იქნება დაკომპლექტებული, შედეგების ამსახველ ერთობლივ კრებულს შექმნიან, რომლებიც სხვადასხვა თემაზე მომზადებულ სიუჟეტებს მოიცავს. ქართველ სტუდენტებს შესაძლებლობა ექნებათ, მათ მიერ მომზადებული ჟურნალისტური პროდუქტი ფრანგული ტელევიზიით გააშუქონ.

5. 15-19 მაისი, ბსუ-ს IV საერთაშორისო კვირეული

ა.წ. 15-19 მაისს დაგეგმილია ბსუ-ს IV საერთაშორისო კვირეულის ჩატარება ერაზმუს+ აკადემიური/ადმინისტრაციული პერსონალის გაცვლითი პროგრამის ფარგლებში. კვირეული მიზნად ისახავს უნივერსიტეტის ინტერნაციონალიზაციის ხელშეწყობას, ბსუ-ს პოპულარიზაციას, ახალი ერთობლივი საერთაშორისო პროგრამების, პროექტების დაგეგმვას და უკვე არსებული თანამშრომლობის გაღრმავებას. 5 დღის განმავლობაში დაგეგმილია, როგორც სასწავლო და ტრენინგის აქტივობები, ასევე კულტურული ღონისძიებები. კვირეულში მიიღებს მონაწილეობას 5 ევროპული უნივერსიტეტის 10 აკადემიური და ადმინისტრაციული პერსონალი, რომლებიც შესთავაზებენ ლექციების კურსს ბსუ-ს სტუდენტებს, ასევე, უცხოელი პარტნიორი საერთაშორისო ოფისების წარმომადგენლები ჩაატარებენ ტრენინგებს გაცვლითი პროგრამების ეფექტურად მართვის თაობაზე და გაუზიარებენ თავის გამოცდილებას ბსუ-ს კოლეგებს.

6. 19 მაისი, 11:00 საათი, საჯარო ლექცია "ევროპის დღე"

19 მაისს ჩატარდება საჯარო ლექცია "ევროპის დღე", მომხსენებელი გიორგი ჩიტაძე -საქართველოს ეკონომიკისა და მდგრადი განვითარების სამინისტრო, სსიპ-აკრედიტაციის ერთიანი ეროვნული ორგანო-აკრედიტაციის ცენტრის გენერალური დირექტორის მოადგილე (თემები: ევროკავშირი-საქართველოს ურთიერთობები; ასოცირების შეთანხმება, მათ შორის- DCFTA კომპონენტი, ასევე პროგრამები და სხვა შესაძლებლობები ახალგაზრდებისთვის.

#55  აუდიტორია;