2-14 სექტემბერს ბათუმის შოთა რუსთაველის სახელმწიფო უნივერსიტეტი უმასპინძლებს საზაფხულო სკოლას განათლების მიმართულების სტუდენტებისა და მასწავლებლობის სტატუსის მაძიებელი პირებისთვის: „ფორმალური ლოგიკის კანონების გამოყენება სწავლა - სწავლების პროცესში“. საზაფხულო სკოლა მიზნად ისახავს ლოგიკის, როგორც თეორიული მეცნიერების საფუძველზე სწავლა-სწავლების ახალი მოდელის შემუშავებას, რომელიც მიმართული იქნება სწავლისა და სწავლების პროცესის დახვეწისა და გაუმჯობესებისკენ, ასევე მოსწავლეებში კრიტიკული აზროვნების განვითარებისკენ. საზაფხულო სკოლა იმართება აჭარის ა.რ. განათლების, კულტურისა და სპორტის სამინისტროს საგრანტო პროექტის ფარგლებში. სკოლას წარუძღვებიან ბსუ-ს სპეციალისტები, ასოცირებული პროფესორი ლალი ანთიძე; ნებრასკა-ლინკოლნის უნივერსიტეტის განათლების მაგისტრი, ბსუ-ს ფილოსოფიის ბაკალავრი, იმედა იაკოვენკო; ასევე განათლების მოწვეული ექსპერტები: პაატა პაპავა და სიმონ ჯანაშია.

ბათუმის შოთა რუსთაველის სახელმწიფო უნივერსიტეტი ღრმა მწუხარებას გამოხატავს ჰუმანიტარულ მეცნიერებათა ფაკულტეტის ქართული ფილოლოგიის საგანმანათლებლო პროგრამის მეოთხე კურსის სტუდენტის ქეთევან ბერიძის გარდაცვალების გამო და უსამძიმრებს გარდაცვლილის ოჯახს.

აღნიშნულიდან გამომდინარე, უნივერსიტეტში დაგეგმილი გასართობი და კულტურული ღონისძიებები 4 თებერვლამდე აღარ ჩატარდება.

2019 წლის 13 აპრილს, 10:00-13:00 საათზე, ბათუმის შოთა რუსთაველის სახელმწიფო უნივერსიტეტში გაიმართება მოსწავლეთა მეორე სამეცნიერო კონფერენცია თემაზე: „ახლო აღმოსავლეთი და საქართველო“. ერთდღიან კონფერენციაზე მოხსენებები წარმოდგენილი იქნება შემდეგი მიმართულებით: ახლო აღმოსავლეთისა და საქართველოს ისტორიული, ეთნოგრაფიული, არქეოლოგიური, კულტურული, ენობრივი და ლიტერატურული ურთიერთობების შესახებ.,

7 დეკემბერს, 16:00 საათზე, ბათუმის შოთა რუსთაველის სახელმწიფო უნივერსიტეტში, 32-ე აუდიტორიაში ილიას სახელმწიფო უნივერსიტეტის პროფესორის, ფილოსოფოს ლაშა ბაქრაძის საჯარო ლექცია გაიმართება თემაზე: „ტოტალიტარიზმი და ხელოვნება“. ღონისძიება აჭარის ა.რ. განათლების, კულტურისა და სპორტის სამინისტროს უმაღლესი განათლების ხელშეწყობის ქვეპროგრამის ფარგლებში ჩატარდება.

3-4-5 დეკემბერს, 14:00 საათზე, ბათუმის შოთა რუსთაველის სახელმწიფო უნივერსიტეტში, 32-ე აუდიტორიაში ფილოლოგიის დოქტორი ცირა ბარბაქაძე წაიკითხავს საჯარო ლექციის ციკლს თემაზე: „ცნობიერების (რ)ევოლუცია და ახალი რიტორიკა“. ღონისძიება აჭარის ა.რ. განათლების, კულტურისა და სპორტის სამინისტროს უმაღლესი განათლების ხელშეწყობის ქვეპროგრამის ფარგლებში გაიმართება.