ბათუმის დიგიტალური ჰუმანიტარიის IX საერთაშორისო საზაფხულო სკოლა „ციფრული რუსთველოლოგია“ გაიხსნა ბათუმის შოთა რუსთაველის სახელმწიფო უნივერსიტეტში. ციფრული რუსთველოლოგიის საზაფხულო სკოლა საქართველოში პირველად ტარდება და მასში მონაწილეობს საქართველოს სხვადასხვა უმაღლესი საგანმანათლებლო დაწესებულების სამივე საფეხურის 20-მდე სტუდენტი. ღონისძიება მიზნად ისახავს მსმენელებისთვის თეორიული ცოდნის გაღრმავებასთან ერთად, პრაქტიკული უნარ-ჩვევების გამომუშავებას, რაც მათ საშუალებას მისცემს, ჩაერთონ „ვეფხისტყაოსნის“ მულტილინგვური პარალელური კორპუსის“ შექმნაში.

ბათუმის შოთა რუსთაველის სახელმწიფო უნივერსიტეტი ღრმა მწუხარებას გამოხატავს ჰუმანიტარულ მეცნიერებათა ფაკულტეტის ისტორიის საგანმანათლებლო პროგრამის 2020 წლის კურსდამთავრებულის გიორგი შარაშენიძის გარდაცვალების გამო და უსამძიმრებს გარდაცვლილის ოჯახს.

უმაღლესი საგანმანათლებლო პროგრამების შემუშავება და აკრედიტაციის სტანდარტების თემაზე სამუშაო შეხვედრა გაიმართა. ბსუ-ს ჰუმანიტარულ მეცნიერებათა ფაკულტეტის ფაკულტეტის დეკანს, დარგობრივი დეპარტამენტების ხელმძღვანელებსა და საგანმანათლებლო პროგრამების ხელმძღვანელებს ფაკულტეტის ხარისხის უზრუნველყოფის სამსახურის უფროსმა, ასოცირებულმა პროფესორმა ჟუჟუნა გუმბარიძემ უმაღლესი საგანმანათლებლო პროგრამების შემუშავების ეტაპები, წესები და პროცედურები გააცნო. ჟუჟუნა გუმბარიძემ ასევე ისაუბრა აკრედიტაციის სტანდარტების განახლებულ მოთხოვნებზე, საგანამანთლებლო პროგრამის მიზნებსა და სწავლის შედეგების ჩამოყალიბებისას გასათვალისწინებელ ასპექტებზე. განსაკუთრებული ყურადღება დაეთმო კურუკულუმის ანალიზს და სწავლის შედეგების გამოყენების აუცილებლობას პროგრამის გასაუმჯობესებლად. შეხვედრა ინტერაქტიულ ხასიათს ატარებდა.

საქართველომ პირველად პრესტიჟული ფრანგული ლიტერატურული პრემიის გონკურის საკუთარი არჩევანი გააკეთა. ოთხი ქართული უნივერსიტეტის - ბათუმის შოთა რუსთაველის სახელმწიფო უნივერსიტეტის, ილიას სახელმწიფო უნივერსიტეტის, თბილისის ივანე ჯავახიშვილის სახელმწიფო უნივერსიტეტისა და ქუთაისის აკაკი წერეთლის სახელმწიფო უნივერსიტეტის სტუდენტებისა და საქართველოს ფრანგული ინსტიტუტის მედიათეკის ახალგაზრდა მკითხველთა წარმომადგენლებით დაკომპლექტებული ჟიურის გადაწყვეტილებით (3 ხმა 2-ის წინააღმდეგ) საქართველოს გონკურის პრემიის 2019 წლის გამარჯვებული გახდა Jean-Luc Coatalem-ის რომანი La part du fils. ჟიურის ერთ-ერთი წევრი გახლდათ ბსუ-ს ევროპეისტიკის (ფრანგული ფილოლოგიის) მაგისტრატურის მეორე კურსის სტუდენტი თინათინ იაკობაძე.

ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტისა და აღმოსავლეთმცოდნეობის დეპარტამენტის ორგანიზებით, პროექტის - “უნივერსიტეტი-სკოლას“ - ფარგლებში, გაიმართა მოსწავლეთა მესამე სამეცნიერო ვიდეოკონფერენცია თემაზე: „ახლო აღმოსავლეთი და საქართველო“. კონფერენციაში მონაწილეობდნენ ბათუმის, ქობულეთის, ხელვაჩაურისა და ქედის საჯარო სკოლის მოსწავლეები. სამეცნიერო სესიის მონაწილეებმა წარმოადგინეს საინტერესო მოხსენებები ახლო აღმოსავლეთისა და საქართველოს ისტორიული და კულტურული ურთიერთობების საკითხებზე. მონაწილეები დაჯილდოვდებიან მადლობის სიგელითა და სერტიფიკატით.