იურიდიული და სოციალურ მეცნიერებათა ფაკულტეტი

დევიდ შულცმა საჯარო ლექცია წაიკითხა თემაზე: „როგორი იქნება აშშ-ის 2020 წლის არჩევნები?"

სურათი

ბათუმის შოთა რუსთაველის სახელმწიფო უნივერსიტეტისა და მიკოლას რომერის უნივერსიტეტის ერთობლივი საერთაშორისო საზაფხულო სკოლის „კონსტიტუციური დემოკრატია: თანამედროვე გამოწვევები“ ფარგლებში ბათუმის ამერიკულ კუთხეში ჰემლაინის უნივერსიტეტის პროფესორმა დევიდ შულცმა საჯარო ლექცია წაიკითხა თემაზე: ,,როგორი იქნება აშშ-ის 2020 წლის არჩევნები?" მომხსენებელმა სხვადასხვა ქვეყნის საარჩევნო სისტემასა და ამერიკის 2020 წლის არჩევნების აქტუალურ საკითხებზე ისაუბრა. ჰემლაინის უნივერსიტეტის პოლიტოლოგიის პროფესორი დევიდ შულცი ასწავლის სხვადასხვა მიმართულებებს: ამერიკული პოლიტიკის - საჯარო პოლიტიკა და ადმინისტრირება, კამპანიები და არჩევნები, სამთავრობო ეთიკა.

პროფესორი დევიდ შულცი ასევე არის მინესოტას უნივერსიტეტის სამართლის სკოლის პროფესორი, სადაც ასწავლის საარჩევნო სამართალს. არის 30 წიგნისა და 100-ზე მეტი სტატიის ავტორი თემებზე: ამერიკის პოლიტიკა, საარჩევნო სამართალი, მედია და პოლიტიკა. სამჯერ აქვს მიღებული ფულბრაიტის სტიპენდია, 2013 წელს მიენიჭა ლეზლი ა.უიტინგტონის ეროვნული ჯილდო საჯარო სწავლების სფეროში წარმატებული მოღვაწეობისთვის.
 


უკან

საკონტაქტო ინფორმაცია

საქართველო, ბათუმი, 6010
რუსთაველის/ნინოშვილის ქ. 32/35
ტელ: +995(422) 27–17–80
ფაქსი: +995(422) 27–17–87
ელ. ფოსტა: info@bsu.edu.ge
     

სიახლის გამოწერა