ნოტარიუსმა მარინე სიხარულიძემ ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტის სტუდენტებისათვის საჯარო ლექცია წაიკითხა თემაზე: „პროფესია ნოტარიუსი“. მომხსენებელმა ლექციაზე ახალგაზრდებს გააცნო ისეთი მნიშვნელოვანი საკითხები, როგორიცაა: როგორ გავხდეთ ნოტარიუსი, სტაჟირება, როგორც ერთ-ერთი აუცილებელი ეტაპი პროფესიის დასაუფლებლად; ნოტარიუსის თანამდებობაზე დანიშვნის წესი. ღონისძიება საქართველოს ნოტარიუსთა პალატის ორგანიზებით გაიმართა.

„ერაზმუს+“-ის გაცვლითი პროგრამის აკადემიური მობილობის ფარგლებში, ბსუ-ს ლექტორი ირმა გაბინაშვილი პოლონეთში, შჩეცინის უნივერსიტეტის სოციალური მეცნიერებების ფაკულტეტის პოლიტოლოგიის გამოწვევების და კვლევების ინსტიტუტში იმყოფებოდა. ირმა გაბინაშვილმა ლექციები ჩაატარა საჯარო დაწესებულებების მენეჯმენტისა და საზოგადოებასთან ურთიერთობის ფაკულტეტის II და V და კურსის სტუდენტებისთვის თემებზე: „საჯარო პოლიტიკა - სტრატეგიული დაგეგმვა“ და „სტრატეგიული საკომუნიკაციო ინსტრუმენტები ხელისუფლების ეფექტიანობის გაუმჯობესების პროცესში“. სალექციო შეხვედრებს შჩეცინის უნივერსიტეტის სოციალურ მეცნიერებათა ფაკულტეტის პროფესორი მაჩეი დჟონეკი მასპინძლობდა.

ბსუ-ს იურიდიული და სოციალურ მეცნიერებათა ფაკულტეტის იურიდიული კლინიკის ორგანიზებით, ჩატარდა ტრენინგი თემაზე: „არასრულწლოვანთა მართლმსაჯულება, სასამართლო პრაქტიკა და არსებული გამოწვევები“. ტრენინგზე იურიდიული დახმარების სამსახურის აჭარის იურიდიული დახმარების ბიუროს ადვოკატებმა მაია ქათამაძემ და გვანცა თურმანიძემ განხილეს ბავშვის ინტერესი, სამოქალაქო და ადმინისტრაციულ სამართალწარმოებაში, ბავშვის საკუთრებაში არსებული ქონების განკარგვა და მასთან დაკავშირებული პროცედურები, სისხლის სამართლის მიმართულებით არასრულწლოვანთა მართლმსაჯულების კუთხით სასამართლო პრაქტიკა და არსებული გამოწვევები.

ბსუ-ს სტუდენტური პროექტის „გარემოსდაცვითი ახალგაზრდული სამიტი“ ფარგლებში, აჭარის დაბებისა და სოფლების წყალმომარაგებისა და წყალარინების პროგრამის სარეაბილიტაციო ტერიტორიებზე დაარსებული ეკოკლუბებისთვის გარემოსდაცვითი ახალგაზრდული სამიტის ფინალური ეტაპი გაიმართა. სამიტი გახსნა, მონაწილეებს მიესალმა და სტუდენტური პროექტის მნიშვნელობაზე ისაუბრა ბსუ-ს რექტორის მოადგილემ თამარ სირაძემ. ღონისძიებაში მონაწილეობა მიიღეს აჭარის ხუთი მუნიციპალიტეტის სკოლების ნახევარფინალურ შეხვედრებში გამარჯვებულმა ძირკვაძეების, დაბა შუახევის„ დაბა ქედის, კირნათის და ოჩხამურის საჯარო სკოლების ეკოკლუბების წევრებმა. სამიტი მიზნად ისახავდა გარემოსდაცვითი საკითხების გამოკვეთას, წყალმომარაგებისა და წყალარინების საკითხების ხაზგასმას და შემარბილებელი ღონისძიებების ზომების უპირატესობების გაცნობას მოსწავლეებისთვის.

2022-2023 სასწავლო წელს ფრანგული ენის სასწავლო კურსს ბათუმის შოთ რუსთაველის სახელმწიფო უნივერსიტეტის იურიდიული და სოციალური მეცნიერებისა და ჰუმანიტარული მეცნიერების ფაკულტეტების სტუდენტებს ბსუ-ს პედაგოგებთან ერთად, უცხოელი სტაჟიორები სეფორა იეუბი და ალექსანდრე კაბორე ასწავლიდნენ. სწავლება უახლესი მიდგომებითა და მეთოდებით ხორციელდებოდა. სტაჟიორები სეფორა იეუბი და ალექსანდრე კაბორე ბსუ-ს სტუდენტებს აჭარის განათლების, კულტურისა და სპორტის სამინისტროს უცხოეთში სტაჟირების პროგრამის ფარგლებში ასწავლიდნენ.