29-30 მაისს, ნიდერლანდების ბიზნეს აკადემიაში ჩატარდა „Erasmus+“ პროგრამის პროექტის - „საგანმანათლებლო, სამეცნიერო, მართვისა და ინდუსტრიული კომპონენტების ერთობლიობა კლიმატის მართვისა და კლიმატის ცვლილების პრევენციისთვის” (CLIMAN) მმართველი კომიტეტის შეხვედრა. ბათუმის შოთა რუსთაველის სახელმწიფო უნივერისტეტიდან მმართველი კომიტეტის შეხვედრას ესწრებოდნენ პროექტის მენეჯერი და მკვლევარი, ზუსტ მეცნიერებათა და განათლების ფაკულტეტის დეკანი, პროფესორი ლელა თურმანიძე და პროექტის ადმინისტრაციული პერსონალი და მკვლევარი, ასოცირებული პროფესორი ნანა მაზმიშვილი.

„Erasmus+“ -ის პროგრამის პროექტის - „საგანმანათლებლო, სამეცნიერო, მართვისა და ინდუსტრიული კომპონენტების ერთობლიობა კლიმატის მართვისა და კლიმატის ცვლილების პრევენციისთვის” (CLIMAN) კოორდინატორმა დაწესებულებამ,
ნიდერლანდების ბიზნესის აკადემიამ მოკლევადიან სასწავლო ტურს უმასპინძლა.

ბათუმის შოთა რუსთაველის სახელმწიფო უნივერსიტეტს ქობულეთის მუნიციპალიტეტის N3 საჯარო სკოლის მოსწავლეები ეწვივნენ. ზუსტ მეცნიერებათა და განათლების ფაკულტეტის დეკანმა, პროფესორმა ლელა თურმანიძემ მოსწავლეებს ბსუ-ს ინფრასტრუქტურა გააცნო და ესაუბრა უნივერსიტეტის ისტორიაზე, მიღწევებსა და ქვეყნის განვითარების საქმეში შეტანილ როლზე. „ერაზმუს+“-ის HEIN 4-ის პროექტის ფარგლებში დაფუძნებულ ინოვაციათა ლაბორატორიაში პროფესორმა ლელა თურმანიძემ მათემატიკის საგანმანათლებლო პროგრამის სტუდენტებთან ერთად ახალგაზრდებს ჩაუტარა ტრენინგი თემაზე: „K 12 საგანმანათლებლო რესურსები და მათი გამოყენებანი“. ასევე პედაგოგიურ მეცნიერებათა დეპარტამენტის ხელმძღვანელმა, ასოცირებულმა პროფესორმა ნატო შეროზიამ მოსწავლეებს გააცნო სკოლისა და უნივერსიტეტის თანამშრომლობის მნიშვნელოვანი საკითხები.

ორგანიზაცია „გლობალური პარტნიორები განათლებისთვის“ დირექტორმა ლანეტ დელინგერმა დაწყებითი საფეხურის ინტეგრირებული საბაკალავრო-სამაგისტრო საგანმანათლებლო პროგრამის, ინგლისური ფილოლოგიის საგანმანათლებლო პროგრამის სტუდენტებისა და ზუსტ მეცნიერებათა და განათლების ფაკულტეტის პროფესორ-მასწავლებლებისთვის მასტერკლასი ჩაატარა განათლების აქტიურ და თანამედროვე სწავლების მეთოდებზე. მასტერკლასი ითვალისწინებდა როგორც თეორიული ცოდნის გაზიარებას, ასევე პრაქტიკულ სამუშაოების შესრულებას. ღონისძიება ზუსტ მეცნიერებათა და განათლების ფაკულტეტისა და ორგანიზაცია „გლობალური პარტნიორები განათლებისთვის“ თანამშრომლობის ფარგლებში გაიმართა.

17 და 18 მაისს, ევროკავშირის „Erasmus+"-ის პროექტის ტექნოლოგიებით გაძლიერებული სწავლება და სწავლა საქართველოს უნივერსიტეტებში - DITECH ფარგლებში საჯარო და კერძო სკოლების მასწავლებლებისთვის ჩატარდა ტრენინგი „ციფრული ტექნოლოგიების გამოყენება სწავლება-სწავლის პროცესში“ (ტრენერი - ასისტენტ პროფესორი ნინო სამნიძე). ტრენინგზე განიხილეს საგანმანათლებლო ვიდეოების შექმნისა და ტექნოლოგიურად გამდიდრებული სწავლების ინოვაციური სტრატეგიები, იმსჯელეს წარმოდგენილი პლატფორმების სასწავლო პროცესში გამოყენების შესაძლებლობებზე. განიხილეს შემდეგი ციფრული, საგანმანათლებლო პლატფორმები: Edpuzzle, Genially, Mentimeter, Slido, Bamboozle.