მემბრანული ნანოკომპოზიტიური მასალებისა და მემბრანული ტექნოლოგიის ძირითადი მიმართულებებია: მემბრანული ნანოკომპოზიციური მასალების შემადგენლობა და თვისებები, ნანოგანზომილებიანი შემავსებლები და მოდიფიკატორები, პოლიმერული მატრიციანი ნანოკომპოზიტები, კომპოზიტის - ნანონაწილაკი /პოლიმერი - ფორმირება, ნანოკომპოზიტების სტრუქტურისა და ფიზიკო-ქიმიური თვისებების კვლევის მეთოდები, მემბრანული პროცესების მექანიზმები და მახასიათებლები, მემბრანული პროცესების კლასიფიკაცია და მათი მამოძრავებელი ძალები, პოლიმერები - როგორც მემბრანული მასალები, ბარომემბრანული პროცესები, დიფუზიური პროცესები, პერვაპორაცია - როგორც თხევადი ნარევების დაყოფის მეთოდი, მემბრანული დისტილირება, ბიოლოგიური მემბრანები, თხევადი მემბრანები, არაორგანული მემბრანები, მემბრანული ტექნოლოგია.
ბარომემბრანების სინთეზი რთული ტექნოლოგიური პროცესია, რომელიც მოიცავს: პოლიმერული მასალებისა და მისი კარგი გამხსნელის შერჩევას, რომელიც ასევე კარგად უნდა იხსნებოდეს წყალში; ხსნარის კონცენტრაციის ოპტიმიზაციას; ფორის წარმომქმნელი ნივთიერების შერჩევას; ხსნარის მომზადებას მემბრანის ფორმირებისათვის; ხსნარის ფილიერში ჩასხმის პირობების დადგენას; ფილიერის ნაპრალის შერჩევა მემბრანის სისქის დადგენისათვის; ფილიერით ხსნარის დაფენის სიჩქარის ოპტიმალური პარამეტრის დადგენა; საფენზე დაფენილი პოლიმერული ხსნარის ჰაერზე დაყოვნების დროისა და ტემპერატურის დადგენა; საკუაგულაციო ხსნარის შემადგენლობის ოპტიმიზაცია; კოაგულაციის სიჩქარის განსაზღვრა; მემბრანის საბოლოო ფორმირებისათვის გამრეცხი წყლის შემადგენლობისა და ტემპერატურის დადგენა.
პრეზენტაცია| უკან |
