ბათუმის შოთა რუსთაველის სახელმწიფო უნივერსიტეტმა პროფესიულ საგანმანათლებლო პროგრამებზე სწავლის მსურველთათვის ღია კარის დღეები მოაწყო. პროფესიული პროგრამების მართვისა და უწყვეტი განათლების ცენტრის წარმომადგენლებმა ბათუმის და ქობულეთის საჯარო  სკოლების მეცხრე-მეთორმეტე კლასის მოსწავლეებს უნივერსიტეტის პროფესიული  საგანმანათლებლო პროგრამები, პროგრამებზე რეგისტრაციის და მიღების პირობები გააცნეს. 2019 წლის საგაზაფხულო მიღებაზე ხუთ პროფესიულ საგანმანათლებლო პროგრამაზე გამოცხადებულია 84 ადგილი.  მოსწავლეებს ბათუმის შოთა რუსთაველის სახელმწიფო უნივერსიტეტის პროფესიული საგანმანათლებლო პროგრამების საინფორმაციო ბუკლეტები გადაეცა.