ბათუმის შოთა რუსთაველის სახელმწიფო უნივერსიტეტი აცხადებს მიღებას შემდეგ პროფესიულ საგანმანათლებლო პროგრამებზე: მეფუტკრე (III საფეხური), ბაგა-ბაღის აღმზრდელი პედაგოგი (IV საფეხური), ვებ ინტერფეისის დიზაინერი (III საფეხური), ვებ ინტერფეისის დეველოპერი (III საფეხური), 2019 წლის 8 აპრილიდან 19 აპრილის ჩათვლით, 10 საათიდან 17 საათამდე, ბათუმის შოთა რუსთაველის სახელმწიფო უნივერსიტეტში (ქალაქი ბათუმი, ნინოშვილის/რუსთაველის N35/32, მე-3 კორპუსში, მეოთხე სართულზე, ოთახი N404).

მიმდინარე წლის 26-27 მარტს, პროექტის “საქართველოს პროფესიულ სასწავლებლებში მეწარმეობის სწავლების გაძლიერება პროექტზე დაფუძნებული სწავლების მეთოდოლოგიის დანერგვის გზით” ფარგლებში დაგეგმილია ვორქშოფი „სამეწარმეო კომპეტენციების განვითარება პროექტული სწავლებით და მეწარმეობის ახალი მოდულით“.

განათლების ხარისხის განვითარების ეროვნული ცენტრი აცხადებს დერეფნის ინტერიერის დიზაინის კონკურსს სტუდენტებისთვის. კონკურსის მიზანია სტუდენტების ჩართულობით ცენტრის დერეფნის ინტერიერიერის დიზაინის განახლება. კონკურსში მონაწილე პირმა უნდა შეიმუშავოს ცენტრის ინტერიერის დიზაინის კონცეფცია და წარმოადგინოს პროექტი. წარმოდგენილი იდეა უნდა შეესაბამებოდეს ცენტრის მისიას, ხედვას, ღირებულებებსა და მიზნებს.

დევნილთა პროფესიული განათლების ხელშეწყობის პროგრამით სარგებლობის მსურველთა განაცხადების მიღება 19 ნოემბერს დაიწყო და 21 დეკემბრის ჩათვლით გაგრძელდება. საარსებო წყაროებით უზრუნველყოფის სააგენტო სახელმწიფო პროფესიულ საგანმანათლებლო დაწესებულებებში 2017-2019 წლებში ჩარიცხულ ყველა დევნილს, სწავლის პერიოდში, ტრანსპორტირების ხარჯებს დაუფინანსებს.