ბათუმის შოთა რუსთაველის სახელმწიფო უნივერსიტეტის პროფესიული პროგრამების მართვისა და უწყვეტი განათლების ცენტრმა გარემოსდაცვითი ინფორმაციისა და განათლების სააგენტოს უმასპინძლა. შეხვედრა გაეროს განვითარების პროგრამის (UNDP) პროექტის „საქართველოში სოფლის მეურნეობასთან დაკავშირებული პროფესიული განათლების მოდერნიზაცია (ფაზა 2)” ფარგლებში გაიმართა. სამუშაოა შეხვედრაზე კლიმატგონივრული სოფლის მეურნეობის სასწავლო მოდულის, კლიმატის ცვლილების მიმართ მდგრადი, დაბალემისიებიანი (კლიმატგონივრული) სოფლის მეურნეობის სახელმძღვანელოსა და სოფლის მეურნეობის დარგში, ცოდნისა და ინფორმაციის სისტემის მონაწილეებისთვის, ინფორმაციისა და ხარისხის სტანდარტის წარდგენა შედგა.

„ERASMUS+“-ის საგრანტო პროექტის „სწავლების ოპტიმიზაცია და აკადემიური ინკლუზია დისტანციური სწავლებისა და სწავლის გამოყენებით“ (Learning Optimization and Academic Inclusion Via Equitative Distance Teaching and Learning - Love Distance) ეგიდით, ერასმუსის საინფორმაციო დღეების ფარგლებში ვორქშოფი ჩატარდა. ღონისძიების მიზანი ბსუ-ს პროფესიული პროგრამების მართვისა და უწყვეტი განათლების ცენტრის ტრენერებისთვის პროექტის ფარგლებში დაგეგმილი სიახლეების, ონლაინ ტრენინგების დაგეგმვა-ჩატარების, დისტანციური ტრენინგების ჩაწერის მეთოდოლოგიის და ტექნიკური დეტალების გაცნობა იყო.

ბათუმის შოთა რუსთაველის სახელმწიფო უნივერსიტეტის მედიაციის მოკლევადიანი პროგრამის 13 მსმენელი 18-29 ოქტომბერს სტაჟირებით ესპანეთში, ქალაქ მურსიაში მიემგზავრება. პროექტის მონაწილეებს 2 კვირის განმავლობაში ინტენსიური ტრენინგ-კურსი ჩაუტარდებათ მედიაციის აქტუალურ საკითხებზე და მონაწილეობას მიიღებენ სხვადასხვა სასწავლო ღონისძიებაში. სტაჟირების პროგრამა ევროკავშირის მიერ დაფინანსებული პროექტის MEDIATS: „მედიაცია, ტრენინგი და საზოგადოების ტრანსფორმაცია“ ფარგლებში ხორციელდება, რომელშიც ბსუ 2018 წლიდან არის ჩართული. „ერაზმუს+“-ის დღეების ეგიდით, ბსუ-სა და ილიას სახელმწიფო უნივერსიტეტის ერთობლივი შეხვედრა გაიმართა. ღონისძიებაზე პროექტის მენეჯერებმა ქეთი დევაძემ და სალომე გაგნიძემ პროექტის მიმდინარეობა შეაფასეს და შედეგების შესახებ პრეზენტაციები წარმოადგინეს.

„USAID-ის საბაზისო განათლების პროგრამის“ ფარგლებში მესამე ეტაპის საგრანტო ხელშეკრულებას მოეწერა ხელი. ხელმოწერა ონლაინ ფორმატში გაიმართა და მასში პროგრამის კოორდინატორებთან ერთად საქართველოს 8 უნივერსიტეტის წარმომადგენლები მონაწილეობდნენ. ბსუ-დან ხელმოწერის პროცესში მონაწილეობა მიიღეს ბსუ-ს რექტორის მოადგილემ თამარ სირაძემ, პროგრამის მენეჯერმა და ფინანსურმა ასისტენტმა.

26-29 ივლისს, ბათუმის შოთა რუსთაველის სახელმწიფო უნივერსიტეტმა „Erasmus+“-ის საგრანტო პროექტის „ტექნოლოგიებით გაძლიერებული სწავლება და სწავლის განვითარება და დანერგვა საქართველოს უსდ-ებში“ („Developing and Implementing Technology-Enhanced Teaching and Learning at Georgian HEIs”/DITECH), პროექტის ნომერი: 618766-EPP-1-2020-1-EE-EPPKA2-CBHE-JP) მეორე ეროვნულ შეხვედრას უმასპინძლა. შეხვედრაში მონაწილეობდნენ კონსორციუმის წევრი საქართველოს უნივერსიტეტები: ივანე ჯავახიშვილის სახელობის თბილისის სახელმწიფო უნივერსიტეტი - კოორდინატორი საქართველოში, ილიას სახელმწიფო უნი¬ვე¬რსიტეტი, სამცხე-ჯავახეთის სახელმწიფო უნივერსიტეტი, იაკობ გოგებაშვილის სახელობის თელავის სახელმწიფო უნივერსიტეტი, სოხუმის სახელმწიფო უნვერსიტეტი, ბათუმის შოთა რუსთაველის სახელობის სახელმწიფო უნივერსიტეტი, აკაკი წერეთლის სახელობის სახელმწიფო უნივერსიტეტი, მასწავლებელთა პროფესიული განვითარების ეროვნული ცენტრი.