2022 წლის 26-27 ნოემბერს საქართველოს უნივერსიტეტის თამაზ ბერაძის სახელობის ქართველოლოგიის ინსტიტუტი ატარებს საერთაშორისო სამეცნიერო კონფერენციას „საქართველო და კავკასია - წარსული, აწმყო, მომავალი". კონფერენცია შერეულ - რეალურ და ონლაინფორმატში გაიმართება. მისი მიზანია ქართველოლოგიის სხვადასხვა მიმართულებით სამეცნიერო კვლევების ხელშეწყობა, ქართველ და უცხოელ მეცნიერებს შორის მჭიდრო სამეცნიერო კავშირების განვითარება და ინტერდისციპლინური და ინტერკულტურული კვლევების ხელშეწყობა.

2022 წლის 29-30 ოქტომბერს არნოლდ ჩიქობავას სახელობის ენათმეცნიერების ინსტიტუტი ატარებს მესამე საერთაშორისო კონფერენციას - „ტერმინოლოგია - მემკვიდრეობა და თანამედროვეობა“. კონფერენცია გაიმართება შემდეგ თემატიკაზე: ტერმინოლოგიის დაგეგმვა, სტანდარტიზაცია, ციფრული ეპოქა და ტერმინოლოგია, დარგობრივი ტერმინოლოგიის წარმოშობისა და ჩამოყალიბების ისტორიის საკითხები, ეროვნული ცნებები და ტერმინები. თეზისების მიღების ვადა არის 2022 წლის 25 სექტემბრამდე.

2022 წლის 27-28 სექტემბერს სომხეთში იმართება ონლაინ კონფერენცია თემაზე: „მიგრაციის განლაგება კავკასიაში და მის ფარგლებს გარეთ“. კონფერენციაში მონაწილეობა შეუძლიათ მეცნიერებს, პოლიტიკის პრაქტიკოსებს და მიგრაციის კვლევებით დაკავებულ სოციალური მეცნიერების სხვადასხვა დისციპლინის აკადემიკოსებს. ნაშრომის გაგზავნის ბოლო ვადაა 2022 წლის 11 სექტემბერი, 18:00 საათი, ელფოსტაზე: crrc@crrc.am

UNESCO-ს პროგრამის „ინფორმაცია ყველასათვის“ (Information for All Programme (IFAP)) ფარგლებში გამოცხადდა მიღება 2022 წლისთვის. IFAP პროგრამა (https://en.unesco.org/programme/ifap) ეხმარება ქვეყნებს გაატარონ და განავითარონ ეროვნული საინფორმაციო პოლიტიკა საინფორმაციო და საკომუნიკაციო ტექნოლოგიების (ICT) გამოყენებით. წარდგენილი პროექტები უნდა იყოს შესაბამისობაში პროგრამის 6 პრიორიტეტთან.

2022 წლის 16-18 სექტემბერს, იაპონიაში, ქალაქ ტოკიოში იმართება XII საერთაშორისო სამეცნიერო პრაქტიკული ონლაინ კონფერენცია თემაზე „სამეცნიერო ჰორიზონტი სოციალური კრიზისების კონტექსტში“ (SCIENTIFIC HORIZON IN THE CONTEXT OF SOCIAL CRISES). კონფერენციის მონაწილეთა ნაშრომები გამოქვეყნდება კონფერენციის მასალების კრებულში (ISBN 978-4-272-00922-0). კონფერენციის მასალების ელექტრონული კრებული განთავსდება ვებგვერდზე 2022 წლის 18 სექტემბერს. ყველა მონაწილე მიიღებს სერტიფიკატს.