ცესკოს წარმომადგენლებმა სოციალურ მეცნიერებათა, ბიზნესისა და სამართალმცოდნეობის ფაკულტეტის სტუდენტებთან საინფორმაციო შეხვედრა გამართეს. ახალგაზრდები ღონისძიების ფარგლებში კენჭისყრის პროცედურებს, საარჩევნო კოდექსში შესული ცვლილებებსა და სხვა სიახლე გაეცნენ. ცესკოს წარმომადგენლებმა შეხვედრაზე ასევე ისაუბრეს იმ პროცედურებზე, რომლებიც შეზღუდული შესაძლებლობების მქონე პირებს საარჩევენო უბანზე კენჭისყრას გაუმარტივებს. ცესკოს კოორდინაციისა და მართვის დეპარტამენტის ორგანიზებით, დაიგეგმა დებატები თემაზე: "არჩევნები - დემოკრატიის გარანტია".

ბათუმის შოთა რუსთაველის სახელმწიფო უნივერსიეტეტის სამართალმცოდნეობის სპეციალობის IV კურსის სტუდენტი დავით ანანიძე სტუდენტური კონკურსის გამარჯვებულია. საქართველოს ადვოკატთა ასოციაციის მიერ ორგანიზებული კონკურსი „ადამიანის უფლებების დაცვას" ეძღვნებოდა და მასში საქართველოს სხვადასხვა უმაღლესი საგანმანათლებლო დაწესებულების სტუდენტები მონაწილეობდნენ. სპეციალური ჟიურის შეფასებით, დავით ანანიძემ მესამე ადგილი დაიკავა. ადვოკატთა ასოციაციის თავმჯდომარემ ზაზა ხატიაშვილმა გამარჯვებულ კონკურსანტებს სერტიფიკატებთან ერთად, იურიდიული ლიტერატურა გადასცა და საქართველოს წამყვან იურიდიულ ფირმაში სტაჟირების გავლა შესთავაზა. ვულოცავთ დავით ანანიძეს გამარჯვებას და ვუსურვებთ შემდგომ წარმატებებს.

დასრულდა სოციალურ მეცნიერებათა, ბიზნესისა და სამართალმცოდნეობის ფაკულტეტის სამართალმცოდნეობის სპეციალობის სტუდენტთა სამეცნიერო კონფერენცია. საჯარო სამართლისა და სისხლის სამართლის სექციებში მომავალმა სამართალდამცავებმა ნაშრომები წარმოადგინეს დარგის მნიშვნელოვან საკითხებზე. სპეციალურმა ჟიურიმ საჯარო სამართლის სექციაში პირველობა თემურ აბაშიძეს მიაკუთვნა მოხსენებისათვის: „ნორმატიული აქტების შესახებ“ საქართველოს კანონის მოთხოვნებთან საქართველოს ზოგიერთი კანონის სტრუქტურის შესაბამისობის საკითხისთვის“ (ხელმძღვანელი პროფესორი მურმან გორგოშაძე). მეორე ადგილზე გავიდა ნინო ჭკადუასა და ნათია წულაიას მოხსენება „ლობიზმი: საერთაშორისო გამოცდილება და ქართული პრაქტიკა“ (ხელმძღვანელი პროფესორი მურმან გორგოშაძე), ხოლო მესამე ადგილი ერგო ნიკა დუმბაძისა და ირაკლი გობაძის ნაშრომს: „არასაერთაშორისო კონფლიქტების რეგულირება საერთაშორისო ჰუმანიტარული სამართლის მიხედვით“ (ხელმძღვანელი ასოც. პროფესორი ლევან ჯაყელი) და მაია ოქროპირიძის თემას: „ადგილობრივი თვითმმართველობის კოდექსი - მუნიციპალური რეფორმა თუ შეფუთული საფრთხე?!“ (ხელმძღვანელი მოწვეული სპეციალისტი დავით სამნიძე).

სოციალურ მეცნიერებათა, ბიზნესისა დ სამართალმცოდნეობის ფაკულტეტისა და სტუდენტური თვითმმართველობის ორგანიზებით ჩატარდა სამართალმცოდნეობის სპეციალობის პირველ კურსელთა რეფერატული ნაშრომების კონკურსი. ჟიურის გადაწყვეტილებით საუკეთესოდ დასახელდა ლაშა მსხალაძის ნაშრომი თემაზე: ,,არწივი ზოგიერთი ქვეყნის სახელმწიფო სიმბოლიკაში“ (მეცნიერ ხელმძღვანელი სრული პროფესორი მურმან გორგოშაძე). იურიდიულ მეცნიერებათა დეპარტამენტი ულოცავს პირველ კურსელს გამარჯვებას და უსურვებს წარმატებებს.

იუსტიციის სასწავლო ცენტრის ყვარლის ფილიალში, წითელი ჯვრის საერთაშორისო კომიტეტის ორგანიზებით გაიმართა "ეროვნული შეჯიბრი საერთაშორისო ჰუმანიტარულ სამართალში" ფინალური ეტაპი. შეჯიბრში მონაწილეობნენ საქართველოს უმაღლესი სასწავლო დაწესებულებების სამ-სამი სტუდენტისგან შემდგარი გუნდები. ბათუმის სახელმწიფო უნივერსიტეტი სამართალმცოდნეობის II კურსის სტუდენტებმა წარმოადგინეს ასისტენტ პროფესორ არმაზ კახიძის ხელმძღვანელობით. ნიკა დუმბაძემ, ანა არძენაძემ და ირაკლი გობაძემ III ადგილი დაიკავეს. გამარჯვებულები სერტიფიკატებითა და ფასიანი საჩუქრებით დაჯილდოვეს. შეჯიბრის ფარგლებში პირველობის მონაწილეებმა ორდღიანი ინტენსიური სალექციო კურსი გაიარეს საერთაშორისო ჰუმანიტარულ სამართალში.