26-28 იანვარს, ეკონომიკისა და ბიზნესის ფაკულტეტის  ასოცირებულმა პროფესორმა, ეკონომიკის დეპარტამენტის ხელმძღვანელმა მურმან ცეცხლაძემ და ამავე ფაკულტეტის ეკონომიკის საბაკალავრო საგანმანათლებლო პროგრამის მე-4 სასწავლო წლის სტუდენტმა, შოთა რუსთაველის სახელობის სტიპენდიანტმა  ხათუნა თურმანიძემ მონაწილეობა მიიღეს   მინსკის სასულიერო აკადემიაში გამართულ მე-3 საერთაშორისო სამეცნიერო-პრაქტიკულ კონფერენციაში „სოციუმი და ქრისტიანობა“. კონფერენცია  მინსკის სასულიერო აკადემიის, ბელორუსიის სახელმწიფო უნივერსიტეტის, ევროპული კვლევითი ასოციაციის ”Oikonomos”, საზოგადოებრივი საქველმოქმედო გააერთიანების „ოჯახური და სამშობიარო დახმარების ცენტრი Матуля“-სა და ბელორუსიის სახელმწიფო უნივერსიტეტის თეოლოგიის ინსტიტუტის ორგანიზებით ჩატარდა.

ასოცირებულმა პროფესორმა მურმან ცეცხლაძემ  წარადგინა ნაშრომი: „ბაზრის უხილავი ხელის ქრისტიანული გააზრება“,  სტუდენტმა  ხათუნა თურმანიძემ კი ნაშრომი: „ქვეყნის ეკონომიკაზე ქრისტიანული ეთიკის გავლენის ზოგიერთი ასპექტის შესახებ“.

მურმან ცეცხლაძემ კონფერენციის ორგანიზატორების თხოვნით პლენარულ სხდომაზე წარადგინა აგრეთვე ნაშრომი თემაზე:  „ქრისტიანობა და აჭარა“.

კონფერენციის მსვლელობის პროცესში განსახილველად შემოთავაზებული იქნა ერთობლივი კვლევის პროექტები.