საქართველოს სტატისტიკის ეროვნულმა სამსახურმა გასვლითი შეხვედრა გამართა ბათუმის შოთა რუსთაველის სახელმწიფო უნივერსიტეტში. შეხვედრის მიზანს მომხმარებლებისათვის არსებული სტატისტიკური მონაცემების და მათთვის საჭირო ინფორმაციის მიწოდება წარმოადგენდა. რეგიონული სტატისტიკური მონაცემების გამოყენება ხელს შეუწყობს ადგილობრივი თვითმმართველობას და ბიზნეს წრეებს სწორი გადაწყვეტილების მიღებაში.
ტემპუსის საგრანტო პროექტის ”Promoting Internationalization of HEIs in Eastern Neighbourhood Countries through Cultural and Structural Adaptations (PICASA)“ ფარგლებში ქალაქ კიევში კიევის ტარას შევჩენკოს ეროვნულ უნივერსიტეტში სამდღიანი საკოორდინაციო შეხვედრა გაიმართა. ღონისძიებაზე პროექტის მონაწილეებმა წარმოადგინეს პროექტის მიღწევები და სამომავლო გეგმები. შეხვედრას ესწრებოდა პროექტის კოორდინატორი ეკონომიკისა და ბიზნესის ფაკულტეტის ასისტენტ-პროფესორი ლილით მელოიან-ფუტკარაძე.
თსუ-ს ეკონომიკისა და ბიზნესის ფაკულტეტის დეკანის პროფესორ თეიმურაზ ბერიძის, სტუდენტური კვლევებისა და პროექტების ცენტრ „იდეა“-ს დირექტორის გიორგი შიხაშვილის და ცენტრის მენეჯერთა ვიზიტი გაიმართა ბათუმის შოთა რუსთაველის სახელმწიფო უნივერსიტეტში.ვიზიტის მიზანი თსუ-სა და ბსუ-ს შორის არსებული მემორანდუმის ფარგლებში, თანამშრომლობის გაფართოება იყო ეკონომიკისა და ბიზნესის ფაკულტეტების სტუდენტთა კვლევითი საქმიანობისა და პროექტების განხორციელების სფეროში.
ეკონომიკისა და ბიზნესის ფაკულტეტის ფინანსების საბაკალავრო საგანმანათლებლო პროგრამის მეოთხე წლის სტუდენტი გიგა ბერაძე, ერასმუს+ის საერთაშორისო გაცვლითი პროგრამის ფარგლებში, ვროცლავის საბანკო უმაღლეს სკოლაში სასწავლებლად გაემგზავრება. ევროკომისიის სასწავლო სტიპენდიის მოსაპოვებლად გიგა ბერაძემ სამეტაპიანი შესარჩევი კონკურსი გაირა, რომელიც ინგლისური ენის ტესტირებას, აკადემიურ მოსწრებასა და გასაუბრებას მოიცავდა.
რომის საპიენზას უნივერსიტეტში ბიზნეს სისტემების ლაბორატორიისა (Business Systems Laboratiry BSLab) და სისტემების დინამიკის იტალიური ჯგუფის (SYstem Dynamic Italian Chapter SYDIC) მიერ ორგანიზებული საერთაშორისო ვორქშოფი გაიმართა თემაზე: „მოდელზე დაფუძნებული მართვა ჭკვიანი ორგანიზაციული მომავლისთვის“ (Model-based Governance for Smart Organizational Future; http://bslab-symposium.net/BSLab-Sydic-2017/BSLAB-SYDIC-WS-Rome-2017.htm). უნივერსიტეტის ეკონომიკისა და ბიზნესის ფაკულტეტის დოქტორანტებმა ზეინაბ სურმანიძემ და ქეთევან ჭანიძემ ორდღიან ვორქშოფში სასტენდო მოხსენება „ტურისტული კომპანიების მართვის ეფექტიანი მოდელების ფორმირება საქართველოში - ლიტერატურის მოკლე მიმოხილვა“ (Effective models formation of travel companies’ management in Georgia – Short literature review) წარადგინეს.
