ბათუმის შოთა რუსთაველის სახელმწიფო უნივერსიტეტში გაიმართა შოთა რუსთაველის საქართველოს ეროვნული სამეცნიერო ფონდის ახალგაზრდა მეცნიერთა საგრანტო კონკურსში გამარჯვებული პროექტის „მცირე და საშუალო ბიზნეს სუბიექტების კრიზისი და მისი პრევენცია პოსტ-პანდემიურ პერიოდში საქართველოში“ (პროექტის ხელმძღვანელი ასისტენტ-პროფესორი გიორგი ქათამაძე) დასკვნითი, შემაჯამებელი ღონისძიება და მონოგრაფიის პრეზენტაცია.
ბსუ-ში რბილი უნარების ლაბორატორია გაიხსნა. მრავალფუნქციური ლაბორატორია აღჭურვილია ERASMUS+ საგრანტო პროექტის „სოციალური უნარების განვითარება სომხეთისა და საქართველოს უმაღლეს საგანმანათლებლო დაწესებულებებში 21-ე საუკუნის შრომის ბაზრის მოთხოვნების შესაბამისად“ (DeSIRe – „Development of Soft Skills at Higher Education Institutions of Armenia and Georgia in Compliance with the 21st Century Labour Market Requirements“, Nº101128804 – DeSIRe - ERASMUS–EDU–2023-CBHE) ფარგლებში შეძენილი მატერიალური რესურსით.
28 ოქტომბერს სტარტაპ პროექტ “Foodly“-ის დამფუძნებელი დავით გახოკია, რომელიც ბსუ-ს „ბიზნესის ადმინისტრირების“ სამაგისტრო საგანმანათლებლო პროგრამის მეორე სასწავლო წლის სტუდენტია ეკონომიკისა და ბიზნესის ფაკულტეტის სტუდენტებს შეხვდა. მან სტუდენტებს სტარტაპ-იდეის შექმნის, გრანტის მიღების წესის, სირთულეების, მათი დაძლევის გზები და მეთოდები გააცნო. Gita-ს მიერ დაფინანსებული საკუთარი სტარტაპ პროექტ “Foodly“-ის შესახებ პრეზენტაცია წარუდგინა, კერძოდ ისაუბრა პროექტის შესახებ - იდეის წარმოშობიდან დაფინანსებამდე განვლილ ეტაპებსა და სამომავლო პერსპექტივებზე. შეხვედრა დისკუსიის რეჟიმში გაგრძელდა და სტარტაპერმა სტუდენტების მიერ დასმულ შეკითხვებს უპასუხა.
ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის ორგანიზებითა და აჭარის ა.რ. განათლების, კულტურისა და სპორტის სამინისტროს ფინანსური მხარდაჭერით, საერთაშორისო სამეცნიერო კონფერენცია - „ეკონომიკისა და ბიზნესის გლობალური გამოწვევები და მდგრადი განვითარება - 2024“ გაიხსნა.
ეკონომიკისა და ბიზნესის ფაკულტეტის დეკანი, ადმინისტრაციის წარმომადგენლებთან და პროფესორ-მასწავლებლებთან ერთად, პირველკურსელებს შეხვდნენ, ახალგაზრდებს სტუდენტობა მიულოცეს და წარმატებები უსურვეს. სტუდენტები შეხვედრაზე უმაღლესი საგანმანათლებლო დაწესებულების საუნივერსიტეტო ცხოვრებას, ძირითად მარეგულირებელ აქტებს, საგანმანათლებლო პროგრამების განხორციელებისა და სტუდენტთა აკადემიური შეფასების წესებს, სტიპენდიებს, გაცვლით პროგრამებს, ელექტრონულ სერვისებსა და კულტურულ-საგანმანათლებლო პროექტებს გაეცნენ. შეხვედრა კითხვა-პასუხის რეჟიმში გაგრძელდა და სტუდენტებმა მათთვის საინტერესო კითხვებზე ამომწურავი პასუხები მიიღეს.
