Mevlana-ს გაცვლითი პროგრამა მიზნად ისახავს სტუდენტებისა და აკადემიური პერსონალის გაცვლას თურქეთის უმაღლეს საგანმანათლებლო დაწესებულებებსა და სხვა ქვეყნების უმაღლეს სასწავლებლებს შორის. Mevlana-ს გაცვლითი პროგრამა ფინანსდება თურქეთის რესპუბლიკის უმაღლესი განათლების აღმასრულებელი საბჭოს მიერ.
სტუდენტებს შეუძლიათ ისწავლონ თურქეთის რესპუბლიკის უმაღლეს საგანმანათლებლო დაწესებულებებში ერთი (მინიმუმ) ან ორი (მაქსიმუმ) სემესტრის განმავლობაში. აკადემიურ პერსონალს შეუძლია ლექციების ჩატარება თურქეთის რესპუბლიკის უმაღლეს საგანმანათლებლო დაწესებულებებში ერთი კვირიდან (მინიმუმ) სამი თვის განმავლობაში (მაქსიმუმ).
იმისათვის, რომ გაცვლით პროგრამა Mevlana - ში სტუდენტებმა მიიღონ მონაწილეობა ისინი უნდა იყვნენ ბაკალავრიატის, მაგისტრატურის ან დოქტორანტურის სტუდენტები, უნდა ჰქონდეთ კარგი აკადემიური მოსწრება (ბაკალავრიატის სასწავლო პროგრამის სტუდენტებს, რომელთა მოსწრების საშუალო ქულაა (GPA) მინიმუმ 2,5 და მაგისტრატურისა და დოქტორანტურის საგანმანათლებლო პროგრამის სტუდენტებს, რომელთა მოსწრების საშუალო ქულაა (GPA) მინიმუმ 3 და ფლობდნენ ინგლისურ ან თურქულ ენას. კონკურში გასულ სტუდენტებსა და აკადემიურ პერსონალს თურქეთის რესპუბლიკის უმაღლესი განათლების აღმასრულებელი საბჭო დაუნიშნავს ყოველთვიურ სტიპენდიას.
კონკურსში მონაწილეობის მისაღებად სტუდენტებმა და აკადემიურმა პერსონალმა ინდივიდუალურად უნდა გაიარონ ელექტრონული რეგისტრაცია და საჭირო დოკუმენტები გამოაგზავნონ ბსუ-ს სტრატეგიული განვითარებისა და საგარეო ურთიერთობათა დეპარტამენტის ელექტრონულ ფოსტაზე: ird@bsu.edu.ge.
დამატებითი ინფორმაცია და სარეგისტრაციო ლინკი იხილეთ თანდართული ფაილების სახით თითოეული უნივერსიტეტისათვის.
რეგისტრაციის ვადები განსხვავებულია ყველა უნივერსიტეტისთვის.
კავკასიის უნივერსიტეტი: 12-16 თებერვალი;
ათათურქის უნივერსიტეტი: 5-26 თებერვალი;
მუგლას უნივერსიტეტი: 13 თებერვალი-9 მარტი;
დიჯლეს უნივერსიტეტი: 12-16 თებერვალი;
19 მაისის უნივერსიტეტი: 15თებერვალი,2017- 28 თებერვალი, 2018.
დიჯლეს უნივერსიტეტი 19 მაისის უნივერსიტეტი
ათათურქის უნივერსიტეტი კავკასიის უნივერსიტეტი მუგლას უნივერსიტეტი
