27-30 სექტემბერს, თბილისში პროექტის „«Memory Guides: კონფლიქტების მშვიდობიანი ტრანსფორმაციის საინფორმაციო რესურსები” ფარგლებში ჩატარდა პირველი სამუშაო შეხვედრა.სკოლაში მონაწილეობა მიიღეს ჟურნალსიტებმა და მკვლევარებმა საქართველოდან, აზერბაიჯანიდან და სომხეთიდან. ღონისძიების ფარგლებში ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის ინსტიტუტის უფროსმა მეცნიერ-თანამშრომელმა რუსლან ბარამიძემ მოხსენება წაიკითხა თემაზე “The old and the new memory: transformation of the public space in Batumi”. პროექტი გერმანიის საგარეო საქმეთა სამინისტროს ორგანიზებით ხორციელდება.

ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის ინსტიტუტის უფროსმა მეცნიერ-თანამშრომელმა ნარგიზ ახვლედიანმა მონაწილეობა კორეის რესპუბლიკაში, ქალაქ ჩხონანში გამართულ X საერთაშორისო ფორუმში. მკვლევარმა საერთაშორისო ფორუმის ფარგლებში მოხსენება წაიკითხა თემაზე: „კვლავ ერთი ტოპონიმის ეტიმოლოგიისათვის ბათუმის შემოგარენში“.

6-15 სექტემბერს, ნიკო ბერძენიშვილის ინსტიტუტის დირექტორი, მთავრი მეცნიერი თანამშრომელი როინ მალაყმაძე, ეთნოლოგიისა და სოციოლოგიური კვლევის განყოფილების უფროსი მეცნიერი თანამშრომლები: თამილა ლომთათიძე, ნაილა ჩელებაძე, ფოლკლორის დიალექტოლოგიისა და ემიგრანტული ლიტერატურის კვლევის განყოფილების მთავრი მეცნიერი თანამშრომელი ელზა ფუტკარაძე, ისტორიისა და არქეოლოგიის განყოფილების უფროსი მეცნიერი თანამშრომელი მაია ჭიჭილეიშვილი მიზნობრივ სამეცნიერო კვლევითი პროექტის ფარგლებში სამეცნიერო ექსპედიციაში იმყოფებოდნენ თურქეთის რესპუბლიკაში. მკვლევართა ჯგუფი მუშაობს თემაზე „დევსქელის ხეობის ეთნოკულტურული შესწავლა“ (სამეცნიერო ხელმძღვანელი როინ მალაყმაძე).

ცნობილი მეცნიერის, საქართველოს მეცნიერებათა ეროვნული აკადემიის წევრ-კორესპოდენტის, პროფესორ გურამ ლორთქიფანიძის 80 წლის იუბილესადმი მიძღვნილი სხდომა გაიმართა ბათუმის შოთა რუსთაველის სახელმწიფო უნივერსიტეტში. მკვლევარს იუბილე მიულოცეს, წარმატებები უსურვეს და მის ღვაწლზე ისაუბრეს უნივერსიტეტის რექტორმა მერაბ ხალვაშმა, საქართველოს მეცნიერებათა ეროვნული აკადემიის ვიცე-პრეზიდენტმა, აკადემიკოსმა როინ მეტრეველმა, ბსუ-ს ემერიტუს პროფესორმა ამირან კახიძემ, ნიკო ბერძენიშვილის ინსტიტუტის დირექტორმა როინ მალაყმაძემ, საქართველოს მეცნიერებათა ეროვნული აკადემიის წევრ-კორესპოდენტმა, აჭარის არ რეგიონული სამეცნიერო ცენტრის ხელმძღვანელმა ვანო პაპუნიძემ, საქართველოს სხვადასხვა უმაღლესი საგანმანათლებლო დაწესებულებების პროფესორებმა, მკვლევარებმა და საზოგადოების წარმომადგენლებმა. საიუბილეო სხდომა ბსუ ნიკო ბერძენიშვილის ინსტიტუტისა და ქალაქ ბათუმის მერიის ორგანიზებით გაიმართა.

ბათუმის შოთა რუსთაველის სახელმწიფო უნივერსიტეტის 2018 წლის მიზნობრივი სამეცნიერო-კვლევითი პროექტის ფარგლებში ნიკო ბერძენიშვილის ინსტიტუტის სამეცნიერო ჯგუფი როინ მალაყმაძის, ჯემალ მიქელაძისა და სულხან მამულაძის შემადგენლობით კვლევითი ვიზიტით 24-30 აგვისტოს იმყოფებოდა ორად გაყოფილი (საქართველოსა და თურქეთის რესპუბლიკაში მოქცეული) მაჭახლის ხეობის სოფლებში. ექსპედიციის პერიოდში გამოვლინდა სამეცნიერო წრეებისათვის დღემდე უცნობი ეთნოლოგიური, ტოპონიმიკური და ფოლკლორული მასალები, ასევე აღმოჩენილ იქნა ახალი არქეოლოგიური ძეგლები, მათ შორის საფორტიფიკაციო, საგზაო და საეკლესიო ნაგებობანი, შუა საუკუნეების ნაქალაქარები და მეგალითური კულტურის ნაშთები.