ბათუმის შოთა რუსთაველის სახელმწიფო უნივერსიტეტში 2020 წლის 7 თებერვალს შოთა რუსთაველის სამეცნიერო ფონდის ფუნდამენტური კვლევების სამეცნიერო საგრანტო პროექტის “რა იგებს არჩევნებს საქართველოში” საანგარიშო პრეზენტაცია გაიმართა. სამწლიანი პროექტი ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის ინსტიტუტის ბაზაზე ხორციელდება.
ბათუმის შოთა რუსთაველის სახელმწიფო უნივერსიტეტში ნიკო ბერძენიშვილის ინსტიტუტის 60 წლის იუბილე აღინიშნა. საიუბილეო სამეცნიერო სესია გახსნა და სამეცნიერო-კვლევითი დაწესებულების 60-წლიანი კვლევა-ძიების შედეგებზე ისაუბრა ინსტიტუტის დირექტორმა, ისტორიის დოქტორმა როინ მალაყმაძემ. მკვლევარებს მნიშვნელოვანი დღე ასევე მიულოცეს და სამახსოვრო საჩუქრები გადასცეს ბსუ-ს რექტორმა მერაბ ხალვაშმა, საქართველოს პარლამენტის ვიცე სპიკერმა ილია ნაკაშიძემ, აჭარის ა.რ. უმაღლესი საბჭოს თავმჯდომარის მოადგილემ მერაბ კარანაძემ, აჭარის ა.რ. განათლების, კულტურისა და სპორტის მინისტრმა მაია ხაჯიშვილმა, ფიტოფათოლოგიისა და ბიომრავაფეროვნების ინსტიტუტის სამეცნიერო საბჭოს თავმჯდომარემ მარიკა მეტრეველმა და კოლხეთის ტორფნარების და წყლის ეკოსისტემების კონსერვაციის განყოფილების გამგემ იზოლდა მაჭუტაძემ, თსუ-ს ივანე ჯავახიშვილის ისტორიისა და ეთნოლოგიის ინსტიტუტის მთავარმა მეცნიერ თანამშრომელმა, პროფესორმა როლანდ თოფჩიშვილმა და საზოგადოების წარმომადგენლებმა. საიუბილეო საღამოს ფარგლებში მოეწყო ნიკო ბერძენიშვილის ინსტიტუტის ექსპედიციებისა და სამეცნიერო კვლევა-ძიების ამსახველი ფოტოგამოფენა.
ღვაწლმოსილი მეცნიერის, ცნობილი ეთნოლოგის, ბსუ-ს ნიკო ბერძენიშვილის ინსტიტუტის უფროსი მეცნიერ თანამშრომლის ნოდარ კახიძის 90 წლისადმი მიძღვნილი საიუბილეო სხდომა გაიმართა შოთა რუსთაველის სახელმწიფო უნივერსიტეტში. მკვლევარს იუბილე მიულოცეს, წარმატებები უსურვეს, სამახსოვრო საჩუქრები გადასცეს და მის ღვაწლზე ისაუბრეს უნივერსიტეტის რექტორმა მერაბ ხალვაშმა, ინსტიტუტის დირექტორმა როინ მალაყმაძემ, საქართველოს პარლამენტის ვიცე სპიკერმა ილია ნაკაშიძემ, აჭარის ა.რ. უმაღლესი საბჭოს თავმჯდომარის მოადგილემ მერაბ კარანაძემ, აჭარის ა.რ. განათლების, კულტურისა და სპორტის მინისტრმა მაია ხაჯიშვილმა, თსუ-ს ივანე ჯავახიშვილის ისტორიისა და ეთნოლოგიის ინსტიტუტის მთავარმა მეცნიერ თანამშრომელმა როლანდ თოფჩიშვილმა და საზოგადოების წარმომადგენლებმა. საიუბილეო საღამოზე ნოდარ კახიძე მეცნიერების განვითარებაში შეტანილი წვლილისათვის ბსუ-ს რექტორმა მერაბ ხალვაშმა შოთა რუსთაველის მედლით დააჯილდოვა და აჭარის ა.რ. უმაღლესი საბჭოს თავმჯდომარის მოადგილემ მერაბ კარანაძემ აჭარის ა.რ. უმაღლესი საბჭოს საპატიო სიგელი გადასცა.
ბსუ-ს ნიკო ბერძენიშვილის ინსტიტუტის ისტორიისა და არქეოლოგიის განყოფილების უფროსმა მეცნიერი თანამშრომელმა ოლეგ ჯიბაშვილმა სემინარი ჩაატარა თემაზე: „ლევან ბატონიშვილის მკვლელობის საკითხისათვის“. ბატონიშვილი ლევანი (ლეონი) ერეკლე მეფისა და დარეჯან დედოფლის უფროსი ვაჟი იყო. იგი დაიბადა 1756 წელს. იცხოვრა ხანმოკლე, მაგრამ ღირსეული ცხოვრებით და დაიღუპა 25 თუ 26 წლის ასაკში ფრიად დამაფიქრებელ ვითარებაში. ლევან ბატონიშვილის სიკვდილთან დაკავშირებით არსებობს რადიკალურად განსხვავებული აზრები და გადმოცემები.
წმიდა დიაკონი სევერიანეს - აჭარელი აღმსარებლისადმი მიძღვნილი საერთაშორისო სამეცნიერო კონფერენცია „ჩვენი სულიერების ბალავარი“ გაიხსნა ბათუმის შოთა რუსთაველის სახელმწიფო უნივერსიტეტში. რიგით XI სამეცნიერო სესიაზე ქართველი და უცხოელი მკვლევარები ბოლო ერთი წლის განმავლობაში წარმოებული სამეცნიერო კვლევა-ძიების შედეგებს შეაჯამებენ. ორდღიან სამეცნიერო ფორუმზე წარმოდგენილი იქნება 40-მდე მოხსენება. კონფერენციის მონაწილეები იმსჯელებენ ისტორიის, ეროვნული ცნობიერების, პოლიტიკის, ფილოსოფიის, ფსიქოლოგიის, ფილოლოგიის, ფოლკლორის, ტოპონიმიკის, ეკლესიის ისტორიის და სხვა სამეცნიერო დარგის აქტუალურ საკითხებსა და პრობლემებზე რელიგიური ასპექტების გათვალისწინებით.
