ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის სტუდენტებს საერთაშორისო ბრენდის სასტუმრო „Autograph Collection of Marriott International’’-ში დასაქმების საშუალება ეძლევათ. სასტუმროს წარმომადგენლებმა უნივერსიტეტში დასაქმებასთან დაკავშირებით ღია კარის დღე გამართეს. პირველ ეტაპზე 15 სხვადასხვა პოზიციაზე არსებულ ვაკანსიაზე რეგისტრაცია და გასაუბრება 144-მა სტუდენტმა გაიარა, მოთხოვნების დაკმაყოფილების შემთხვევაში დასაქმების შანსი ყველა სტუდენტს მიეცემა. სასტუმროს სულ 400 ვაკანტური ადგილი აქვს და პერსონალის დაკომპლექტება ძირითადად ტურიზმის ფაკულტეტის სტუდენტებით მოხდება. 5-ვარსკვლავიანი სასტუმრო-კომპლექსის გახსნა 2017 წლის ივლისში იგეგმება.

ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის სტუდენტები 22-23 მაისს, სასტუმრო „ეიფორიაში’’ გამართულ საერთაშორისო ბიზნეს ფორუმში (IBF Batumi ) ღებულობენ მონაწილეობას. ფორუმზე 6 მსოფლიო კლასის სპიკერი: იერლუიჯა კოლინა, დანანჯაია ჰეტიარაჩი, შონ ფიცპატრიკი, კევინ გასკელი, მარშალ გილდსმიტი და ჯონ კინგი 14 ქვეყნის წარმომადგენლებს თავიანთ გამოცდილებას გაუზიარებენ. შეხვედრის ფარგლებში დაგეგმილია ვორქშოპები და მასტერკლასები.

პროექტის „Free Market Road Show 2017’’-ის ფარგლებში, ახალი ეკონომიკური სკოლის (NESG), ამერიკელები საგადასახო რეფორმისთვის - საკუთრების უფლების ალიანსის და ფრიდრიხ ნაუმანის თავისუფლების ფონდის წარმომადგენლებმა ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის სტუდენტებისთვის საჯარო ლექცია გამართეს თემაზე: „გლობალური ეკონომიკის ტენდენციები’’. უცხოელმა და ქართველმა პროფესორებმა (ლორენსო მონტანარი-აშშ, ჯეიმს სპროული-დიდი ბრიტანეთი, პაატა შეშელიძე) სტუდენტებს გლობალური ეკონომიკის პირობებში ახალი გამოწვევები გააცნეს. პროგრამის ფარგლებში მოწვეული იყო თურქეთის რესპუბლიკის გენერალური საკონსულოს კომერციული ატაშე ბათუმში მიკაილ დეველიოგლუ, რომელმაც ახალგაზრდებს საქართველოს და მის პარტნიორ სახელმწიფოებს შორის ეკონომიკურ ურთიერთობებზე ესაუბრა. შეხვედრის დასასრულს, პროფესორებმა და მოწვეულმა სტუმარმა სტუდენტების შეკითხვებს უპასუხეს.

ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტი ბათუმის ტურიზმისა და სასტუმრო აღჭურვილობის მე-10 საიუბილეო საერთაშორისო გამოფენაში „ექსპო ბათუმი - 2017" ღებულობს მონაწილეობას. ფაკულტეტის სტუდენტები და პროფესორ-მასწავლებლები ვიზიტორებს ტურიზმის მიმართულების საგანმანათლებლო პროგრამებს, სწავლების პირობებსა და სტუდენტური ცხოვრებას გააცნობენ. გამოფენა სამ დღეს გაგრძელდება და მასში 7 ქვეყნის 80 ქართული და უცხოური კომპანია არის წარმოდგენილი

ტურიზმის მდგრადი განვითარება: გამოწვევებსა და პერსპექტივებზე ისაუბრა ტურიზმის ფაკულტეტის სტუდენტებთან საერთაშორისო ექსპერტმა სილვია ბარბონემ. მასტერკლასი მსოფლიო ტურისტული ორგანიზაციის (UNWTO) მიერ 2017 წლის როგორც ტურიზმის მდგრადი განვითარების წლად გამოცხადების ფარგლებში ჩატარდა და ის დარგში ინფორმაციის გაცვლასა და ცოდნის ამაღლებას ისახავდა მიზნად. შეხვედრის დასასრულს, ტურიზმის საერთაშორისო ექსპერტმა სტუდენტების შეკითხვებს უპასუხა.