ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტი ბაკალავრიატისა და მაგისტრატურის საგანმანათლებლო პროგრამების სტუდენტთათვის აცხადებს კონკურსს ვახუშტი ბატონიშვილის (ბაკალავრიატში) და ექვთიმე თაყაიშვილის (მაგისტრატურაში) სახელობითი სტიპენდიების მოსაპოვებლად. კონკურსში მონაწილეობის მიზნით კონკურსანტებმა 2019 წლის 21 ოქტომბრიდან 31 ოქტომბრის ჩათვლით 10:00 საათიდან 16:00 საათამდე ტურიზმის ფაკულტეტის დეკანის ოფისში, ოთახი №121 უნდა წარადგინონ.

ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის „ტურიზმისა და მასპინძლობის მენეჯმენტის” მაგისტრატურის სტუდენტებმა 22-29 სექტემბერს, ბერლინსა და ჰამბურგში მონაწილეობა მიიღეს „საერთაშორისო სასტუმროს მენეჯმენტის“ სტაჟირების პროგრამაში. ერთკვირიანი პროგრამის ფარგლებში სასწავლო შეხვედრები გაიმართა გერმანიის წამყვან სასტუმროთა ქსელში (Pierdrei, Fairmont, Henri, Mercure, Motel One, Scandic). ვიზიტის ფარგლებში სასტუმროს გენერალურმა მენეჯერებმა და სხვადასხვა დეპარტამენტის წარმომადგენლებმა სტუდენტებს გააცნეს მასპინძლობის ინდუსტრიის მუშაობის თანამედროვე მიდგომები და ტენდენციები.

ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის დეკანი როსტომ ბერიძე და პროფესორ-მასწავლებლები პირველკურსელებს შეხვდნენ, სტუდენტობა მიულოცეს და წარმატებები უსურვეს. სტუდენტები შეხვედრაზე უმაღლესი საგანმანათლებლო დაწესებულების ძირითად მარეგულირებელ აქტებს, საგანმანათლებლო პროგრამების განხორციელებისა და სტუდენტთა აკადემიური შეფასების წესებს, ელექტრონული სერვისებსა და პროექტებს გაეცნენ.

ბსუ-ს ტურიზმის ფაკულტეტის სტუდენტები მარიამ ბოლქვაძე და ზაურ მამულაძე 2019 წლის 01-28 აგვისტოს ჩეცინში, სილეზიის უნივერსიტეტის კამპუსში გამართულ 29-ე საერთაშორისო საზაფხულო სკოლაში იღებენ მონაწილეობას. ერთთვიანი პროგრამა მოიცავს როგორც პოლონური ენის კურსს, სემინარებს ქვეყნის ეკონომიკის, პოლიტიკის და კულტურის შესახებ, ასევე ექსკურსიებს, კონცერტებსა და პოეზიის საღამოებს. სტუდენტთა საერთაშორისო შეხვედრაზე ქართველმა სტუდენტებმა საქართველო ეროვნული ფოლკლორით წარმოადგინეს. საზაფხულო სკოლა ყოველწლიურად ტარდება და მასში 35 ქვეყნის პარტნიორი უნივერსიტეტიდან 250-მდე სტუმარი მონაწილეობს.

ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის 70 სტუდენტი სასწავლო პრაქტიკით გერმანიაში მიემგზავრება. ახალგაზრდებს პროექტში გამარჯვება მიულოცეს და წარმატებები უსურვეს ბსუ-ს რექტორმა მერაბ ხალვაშმა, აჭარის ა.რ. განათლების, კულტურისა და სპორტის მინისტრის მოადგილემ ალექსანდრე დავითაძემ და ტურიზმის ფაკულტეტის მასპინძლობის მენეჯმენტის დეპარტამენტის ხელმძღვანელმა როსტომ ბერიძემ. სტუდენტები 3 თვის განმავლობაში პრაქტიკას გერმანიის მაღალი კლასის სასტუმროებში გაივლიან და გაეცნობიან სასტუმროს ყველა ძირითადი სტრუქტურული ერთეულის ფუნქციონირებას.