16-31 მაისს, ბსუ-ს ტურიზმის ფაკულტეტისა და გერმანიის ექსპერტთა სამსახურის (Senior Experten Service) თანამშრომლობის ფარგლებში, ტურიზმის ექსპერტმა (CIM/SES) და ბსუ-ს საპატიო დოქტორმა კურტ ჰეინც რეიცმა ტურიზმის ფაკულტეტის სტუდენტებისთვის ლექციებისა და დისკუსიების ციკლი ჩაატარა თემაზე: „ტურიზმი წარსულში, აწმყოსა და მომავალში“. ლექციები მიზნად ისახავდა ტურიზმის ინდუსტრიაზე პანდემიის გავლენის ანალიზს და მოგზაურობის მიმართ ახალი მიდგომების დანერგვას გერმანიისა და საქართველოს მაგალითებზე.

ბსუ-ს ტურიზმის ფაკულტეტს სამუშაო ვიზიტით გერმანიის მიტელშტანდის უმაღლესი სასწავლების (FHM) პროფესორი, „სოლუშენზ ჰოლდინგ“-ის აღმასრულებელი დირექტორი და სასტუმროს კონგრესის მრჩეველთა საბჭოს წევრი შტეფან გერჰარდი ეწვია. ვიზიტის ფარგლებში ტურიზმის ფაკულტეტის საბაკალავრო და სამაგისტრო პროგრამის სტუდენტებს 23-25 მაისს ჩაუტარდათ ინტენსიური ტრენინგი სასტუმროს საერთაშორისო ბიზნესის, გლობალური ტენდენციებისა და სასტუმროს მეგატრენდების თემებზე. ტრენინგის მონაწილე სტუდენტებს გერმანელი ექსპერტი სასწავლო ვიზიტით ბერლინში უმასპინძლებს და ბრენდული სასტუმროების საქმიანობას გააცნობს.

ბათუმის შოთა რუსთაველის სახელმწიფო უნივერსიტეტის რექტორმა, პროფესორმა მერაბ ხალვაშმა და გერმანიის მასპინძლობის საერთაშორისო ინსტიტუტის ხელმძღვანელმა გერალდ ვიტცელმა თანამშრომლობის მემორანდუმს მოაწერეს ხელი. ხელშეკრულების ფარგლებში, ყოველწლიურად, ტურიზმის ფაკულტეტის 100-მდე სტუდენტი სამთვიან ანაზღაურებად პრაქტიკას გერმანიის მაღალი კლასის სასტუმროებში გაივლის და გაეცნობა სასტუმროს ძირითადი სტრუქტურული ერთეულის ფუნქციონირებას.

ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტისა და გერმანიის ექსპერტთა სამსახურის (Senior Experten Service) თანამშრომლობის ფარგლებში, ტურიზმის ფაკულტეტზე მოწვეული იყო ტურიზმის ექსპერტი (CIM/SES), ბსუ-ს საპატიო დოქტორი და გერმანიის მასპინძლობის საერთაშორისო ინსტიტუტის ხელმძღვანელი, პროფესორი გერალდ ვეტცელი. ბატონმა გერალდმა და ტურიზმის ფაკულტეტის ასისტენტ პროფესორმა თამარ ბერიძემ ტურიზმის ფაკულტეტის მესამე სასწავლო წლის სტუდენტებისათვის „სპეციალურ ღონისძიებათა მენეჯმენტის“ კურსის ფარგლებში სამუშაო შეხვედრა ჩაატარეს.

ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტი ტურიზმისა და სასტუმრო აღჭურვილობის მე-13 საერთაშორისო ტურისტულ გამოფენაში „EXPO BATUMI TRAVEL - 2022“ ღებულობს მონაწილეობას. ფაკულტეტის სტუდენტებმა და პროფესორ-მასწავლებლებმა დამთვალიერებლებს უნივერსიტეტის სასწავლო-საგანმანათლებლო პროგრამები, სტუდენტური ცხოვრება გააცნეს და ტურისტული პროდუქტები წარუდგინეს. გამოფენა სამ დღეს გაგრძელდება და მასში 80-მდე ადგილობრივი და საერთაშორისო ტურისტული კომპანია მიიღებს მონაწილეობას.