ბათუმის შოთა რუსთაველის სახელმწიფო უნივერსიტეტში ტექნოლოგიური ფაკულტეტის აგრარული მიმართულების პროფესორ-მასწავლებლებისათვის სტუდენტებისათვის, ექსტენციის სპეციალისტებისა და სხვა დაინტერესებული პირებისთვის ჩატარდა აგრარული ექსტენციის დისტანციური მოკლევადიანი კურსი. სწავლებას უძღვებოდნენ აშშ-ს სხვადასხვა უნივერსიტეტის წარმომადგენლები და მოდერატორობას უწევდა ბსუ-ს ჰუმანიტარულ მეცნიერებათა ფაკულტეტის ასისტენტ პროფესორი, FOF-ის ექსტენციის სპეციალისტი ლია დავითაძე. მოკლევადიანი კურსი „საქართველოს სოფლის მეურნეობის ექსტენციის მოდელი ახალგაზრდების განვითარებისთვის“ პროექტის ფარგლებში ჩატარდა, რომელსაც „მომავლის ფერმერი“ (FOF) ამერიკის შეერთებული შტატების სოფლის მეურნეობის დეპარტამენტის (USDA) ფინანსური მხარდაჭერით და აჭარის ავტონომიური რესპუბლიკის სოფლის მეურნეობის სამინისტროს ხელშეწყობით ახორციელებს.

ტექნოლოგიურ ფაკულტეტის აგრარული მიმართულების პროფესორ-მასწავლებლებისა და სტუდენტებისათვის „ერაზმუს“+-ის პროექტის „საგანმანათლებლო, სამეცნიერო, მართვის და ინდუსტრიული კომპეტენციების ერთობლიობა კლიმატის მართვისა და კლიმატის ცვლილებების პრევენციისათვის“ ფარგლებში ტრენინგი ჩატარდა თემაზე: „კლიმატის ცვლილებების უარყოფითი გავლენა სოფლის მეურნეობაზე და მასთან ბრძოლის მეთოდები“. ტრენინგი გახსნა და მონაწილეებს მიესალმა „ერაზმუ+“-ის პროექტის „საგანმანათლებლო, სამეცნიერო, მართვის და ინდუსტრიული კომპეტენციების ერთობლიობა კლიმატის მართვისა და კლიმატის ცვლილებების პრევენციისათვის“ კოორდინატორი, პროფესორი ლელა თურმანიძე. ბსუ-ს ასოცირებულმა პროფესორმა ნარგული ასანიძემ და ასისტენტ პროფესორმა ნუნუ ნაკაშიძემ, უნივერსიტეტის დოქტორანტმა მამუკა თურმანიძემ და მაგისტრანტმა ვიტალი კილასონიამ გააკეთეს მოხსენებები კლიმატის ცვლილებებზე, სოფლის მეურნეობის კლიმატგონივრული, მდგრადი მართვის პრინციპებზე, მნიშვნელობაზე, ორგანული სოფლის მეურნეობისა და ნიადაგის მდგრადი მართვის საკითხებზე.

14-18 ნოემბერს, ბსუ-ს ტექნოლოგიური ფაკულტეტის დეკანი, პროფ. გიზო ფარცხალაძე „Erasmus+ PEERS“ - ის აკადემიური გაცვლითი პროგრამის ფარგლებში, მინიოს უნივერსიტეტს ეწვია. მობილობის პირველ დღეს გაიმართა შეხვედრა ბრაგაში, მინიოს უნივერსიტეტის საერთაშორისო ურთიერთობათა დეპარტამენტის წარმომადგენლებთან. ვიზიტის ფარგლებში პროფ. გ. ფარცხალაძემ ჩაატარა ლექციები კომპიუტერულ მოდელირებასა და ფოლადის სტრუქტურების დაპროექტების ავტომატიზებულ სისტემებზე. ასევე, პრეზენტაცია გამართა წინასწარ დაძაბული სტრუქტურების, კოლონების მდგრადობისა და მასალის მუშაობის დრეკად-პლასტიკურ არეს შესახებ. პროფ. გიზო ფარცხალაძე ვიზიტის დროს გაეცნო მშენებლობის საგანმანათლებლო პროგრამის სწავლების მეთოდიკას და ლაბორატორიული სამუშაოების ჩატარების მეთოდოლოგიას.

ბათუმის შოთა რუსთაველის სახელმწიფო უნივერსიტეტის ბაზაზე, 12-17 დეკემბერს, 18:00-19:30 საათზე საქართველოს სოფლის მეურნეობის ექსტენციის მოდელი ახალგაზრდების განვითარებისთვის“ პროექტის ფარგლებში ჩატარდება აგრარული ექსტენციის დისტანციური მოკლევადიანი კურსი. პროგრამას ახორციელებს „მომავლის ფერმერი“ (FOF) ამერიკის შეერთებული შტატებისსოფლის მეურნეობის დეპარტამენტის (USDA) ფინანსური მხარდაჭერით და აჭარის ავტონომიური რესპუბლიკის სოფლის მეურნეობის სამინისტროს ხელშეწყობით.

2022-2023 სასწავლო წლის შემოდგომის სემესტრისათვის საფაკულტეტო სახელობითი სტიპენდიის მოსაპოვებლად კონკურსის გამოცხადების შესახებ 2022-2023 სასწავლო წლისათვის ავთანდილ ბარათაშვილის სახელობის სტიპენდიის მოსაპოვებლად კონკურსის გამოცხადების შესახებ