23-27 მაისს, ანტალიაში ევრაზიის ბიომრავალფეროვნების საერთაშორისო სიმპოზიუმი ჩატარდა, სადაც 16 ქვეყნის ასამდე მეცნიერი და მკვლევარი მონაწილეობდა. სიმპოზიუმის მონაწილეებს მიესალმნენ, თურქეთის პამუკალეს უნივერსიტეტის რექტორი პროფესორი ხუსეინ აგჯა, ქ. ანტალიის მუნიციპალიტეტის ვიცე-მერი პროფესორი მუსტაფა თურანი, ბელორუსიის აგრარული უნივერსიტეტის პრორექტორი ლევ ზავოდნიკი, ბათუმის სახელმწიფო უნივერისტეტის პროფესორი, საქართველოს სოფლის მეურნეობის მეცნიერებათა აკადემიის აკადემიკოსი რეზო ჯაბნიძე, აზერბაიჯანის მარდაგიანის კვლევითი ინსტიტუტის დირექტორი, აკადემიკოსი ტოფიკ მამმადოვი, ინდოეთის შივაჯის ბიომრავალფეროვნების უნივერსიტეტის პროფესორი შანდრაკანტ სალუნკჰე, ამერიკის მასაჩუსეტის უნივერსიტეტის დეკანი, პროფესორი ვადე შერბრუკი.

აზერბაიჯანის რესპუბლიკის გენერალური კონსული ქალაქ ბათუმში რაშად ისმაილოვი, აზერბაიჯანის არქიტექტურისა და მშენებლობის უნივერსიტეტის პრორექტორი საერთაშორისო ურთიერთობების დარგში, ნარგიზა აბდულაევა და პროფესორი ფაილ ისმაილოვი ბათუმის შოთა რუსთაველის სახელმწიფო უნივერსიტეტის ტექნოლოგიურ ფაკულტეტს ეწვივნენ. რექტორის მოადგილემ ინგა შამილიშვილმა და ტექნოლოგიური ფაკულტეტის დეკანმა გიზო ფარცხალაძემ სტუმრებს ფაკულტეტის მიღწევები და ტექნოლოგიური ფაკულტეტის ბაზაზე გახსნილი სამრეწველო ინოვაციების ლაბორატორიის მუშაობა გააცნეს. შეხვედრის მსვლელობისას მშენებლობისა და არქიტექტურის დარგში, მხარეებს შორის მჭიდრო თანამშრომლობის პერსპექტივები დაისახა.

ინოვაციებისა და ტექნოლოგიების ეროვნული სააგენტოს დეილი ნიუსის ფაბლაბის კოორდინატორები ბსუ-ს ტექნოლოგიური ფაკულტეტის წარმომადგენლებს შეხვდნენ. ილინოსის ფაბლაბის კოორდინატორმა ჯეფ ჯინჯერმა და ინოვაციებისა და ტექნოლოგიების სააგენტოს ფაბლაბის კოორდინატორმა ლევან გაბისონიამ შეხვედრის მსვლელობისას ისაუბრეს სამრეწველო-ინოვაციების ლაბორატორიის განვითარების ეტაპებზე და იმ პროექტებზე რომლებიც ფაბლაბის ბაზაზე უნდა განხორციელდეს. შეხვედრის დასასრულს დაისახა სამომავლო თანამშრომლობის მიმართულებები.

საქართველოს საზოგადოებრივ საქმეთა ინსტიტუტის სოფლის მეურნეობის განვითარების პროგრამის GRDD 0f GIPA-s ეგიდით, ევროკავშირის დონორობის ფარგლებში, ტექნოლოგიური ფაკულტეტის აგრარულ მიმართულებაზე ჩატარდა ტრენინგი „კვლევითი პრაქტიკის გაძლიერება აგრარული მიმართულებით, რეგიონალურ საგანმანათლებლო ინსტიტუტებში“. ტრენინგის მსვლელობისას განხილულ იქნა სასოფლო-სამეურნეო წარმოების სფეროში არსებული აქტუალური პრობლემები და მათი მიმართება თანამედროვე გლობალურ გამოწვევებთან. მომხსენებელმა აგროსერვისცენტრის დირეტორის მოადგილემ ლევან ბოლქვაძემ ისაუბრა სოფლის მეურნეობის განვითარების საფუძვლების და კონკრეტულ კლიმატურ პირობებში ძირითადი კულტურების წარმოების თანამედროვე ტექნოლოგიების შესახებ. ტრენინგის ფარგლებში საერთაშორისო ორგანიზაცია “MERSY CORPS“ -ის მეცნიერ კონსულტანტმა მემცენარეობის დარგში და ცხოველთა კვებაში, სოფლის მეურნეობის აკადემიურმა დოქტორმა კობა კობალაძემ წაიკითხა ლექცია თემაზე: „სოფლის მეურნეობის წინაშე მდგარი გლობალური გამოწვევები, მიწათმოქმედებისა და მემცენარეობის განვითარების კანონები. მოსავლის რაოდენობრივი, ხარისხობრივი, ეკონომიკური მაჩვენებლების განმსაზღვრელი ფაქტორები და მთი რეგულირება’’. ტრენინგის დასასრულს გაიმართა დისკუსია, დაისახა სამომავლო ურთიერთობების პერსპექტივებიც. შემდგომი ტრენინგის ჩატარება დაიგეგმა 22 და 25 მარტს.

ბათუმის შოთა რუსთაველის სახელმწიფო უნივერსიტეტის ტექნოლოგიური ფაკულტეტის ადმინისტრაციის წარმომადგენლები (გ.ფარცხალაძე, გ.შამილიშვილი, გ.ჩავლეშვილი) და მშენებლობის მეოთხე კურსის სტუდენტები სამშენებლო კომპანია „ოცნების სახლის’’ წარმომადგენლებს შეხვდნენ. შეხვედრა სტუდენტთა დასაქმების პროგრამის განხორციელების მიზნით გაიმართა. აქვე გამოვლინდა კომპანიაში არსებულ ვაკანსიაზე წარსადგენ სტუდენტთა კანდიდატურები.