ბათუმის შოთა რუსთაველის სახელმწიფო უნივერსიტეტში სამეცნიერო კონფერენცია - „ტოპოლოგია, ალგებრა, ანალიზი და გამოყენებანი” გაიხსნა. ხუთი დღის განმავლობაში საქართველოს სხვადასხვა უმაღლესი საგანმანათლებლო დაწესებულებების პროფესორ-მასწავლებლები და დოქტორანტები ტოპოლოგიის, ალგებრის და მათემატიკური ანალიზის საინტერესო და აქტუალურ საკითხებზე იმუშავებენ. სამეცნიერო კონფერენცია ფიზიკა-მათემატიკისა და კომპიუტერულ მეცნიერებათა ფაკულტეტის მათემატიკის დეპარტამენტის ინიციატივით იმართება.
ბათუმის შოთა რუსთაველის სახელმწიფო უნივერსიტეტის ფიზიკა-მათემატიკისა და კომპიუტერულ მეცნიერებათა ფაკულტეტს ხელვაჩაურის მუნიციპალიტეტის სოფელ ზედა ახალშენის საჯარო სკოლის IX-X კლასის მოსწავლეები და ბსუ-ს კურსდამთავრებული, სკოლის ფიზიკის მასწავლებელი, გულნარა ვერძაძე ეწვივნენ. მოსწავლეებს ფაკულტეტის დეკანმა გულადი ფარტენაძემ გააცნო ფაკულტეტის სიახლეები. ფიზიკის დეპარტამენტის აკადემიურმა პირებმა ლალი კალანდაძემ, იზოლდა ჯაბნიძემ და ნუგზარ ღომიძემ მოსწავლეებს გააცნეს ფიზიკის დეპარტამენტის ლაბორატორიები, აჩვენეს სახალისო ცდები.
მოსწავლეებს უნივერსიტეტისგან სპეციალური საჩუქრები გადაეცათ.
ბათუმის შოთა რუსთაველის სახელმწიფო უნივერისტეტის ფიზიკა-მათემატიკისა და კომპიუტერულ მეცნიერებათა ფაკულტეტს ბათუმის #6 ფიზიკა-მათემატიკური საჯარო სკოლის ფიზიკა-მათემატიკის ცენტრის სკოლის მოსწავლეები ეწვივნენ. ფაკულტეტის დეკანმა გულადი ფარტენაძემ მოსწავლეებს ფაკულტეტის სიახლეები, საგანმანათლებლო პროგრამები, მატერიალურ-ტექნიკური ბაზა და სტუდენტური ცხოვრება წარუდგინა. ფიზიკის დეპარტამენტის აკადემიურმა პერსონალმა: ლალი კალანდაძემ, იზოლდა ჯაბნიძემ და ნუგზარ ღომიძემ მოზარდებს ლაბორატორიებში ცდები ჩაუტარეს. კომპიუტერულ მეცნიერებათა დეპარტამენტის ასოცირებულმა პროფესორმა მიხეილ დონაძემ და გიორგი იმნაიშვილმა რობოტოტექნიკის ლაბორატორიაში აჩვენეს კომპიუტერულად მართვადი დრონი მოქმედებაში.
