CERN - ატომური კვლევების ევროპული ორგანიზაციის წევრმა, ცნობილმა ფიზიკოსმა, პროფესორმა ჯემალ ხუბუამ ფიზიკა-მათემატიკისა და კომპიუტერულ მეცნიერებათა ფაკულტეტის სტუდენტებისა და პროფესორ-მასწავლებლებისთვის ღია ლექცია წაიკითხა თემაზე: „ექსპერიმენტი - „ატლასი“. აღიარებულმა პროფესორმა ლექციაზე საერთაშორისო ორგანიზაციებსა და ლაბორატორიებში (დუბნა, ცერნი, ჟენევა) ქართველი მეცნიერების მუშაობაზე ისაუბრა და ყურადღება გაამახვილა ისეთ საკითხებზე როგორიცაა...

ტემპუსის პროექტის „დისტანციურ ინჟინერიასა და ვირტუალურ ინსტრუმენტებზე დაფუძნებული ინდუსტრიული თანამშრომლობა და შემოქმედებითი საინჟინრო განათლება“ ფარგლებში ბათუმის შოთა რუსთაველის სახელმწიფო უნივერსიტეტში ორდღიანი შეხვედრა გაიხსნა. პროგრამის პარტნიორი უმაღლესი საგანმანათლებლო დაწესებულებების პროფესორ-მასწავლებლები პროექტის შედეგებს შეაჯამებენ და ერთმანეთს გამოცდილებას გაუზიარებენ. პროექტის მიზანია შექმნას და დანერგოს მეთოდოლოგია, რესურსები საინჟინრო სფეროს გასავითარებლად საქართველოში, უკრაინასა და სომხეთში. შემუშავდება საგანმანათლებლო პროგრამა საინჟინრო მიმართულებით ალტერნატიული ტექნოლოგიების გამოყენებით და განისაზღვრება სასწავლო მეთოდოლოგია შრომის ბაზრის მოთხოვნების შესაბამისად. პროგრამის ეგიდით გაიხსნა სპეციალური მოწყობილობებით აღჭურვილი ლაბორატორია, სადაც წარმატებით გაიარეს თეორიული და პრაქტიკული კურსები ფიზიკის, კომპიუტერული მეცნიერებებისა და საინჟინრო სპეციალობების საგანმანათლებლო პროგრამის სტუდენტებმა.

ტემპუსის პროექტის ფარგლებში უნივერსიტეტში სემინარი გაიხსნა თემაზე: „სამხრეთ კავკასიის უნივერსიტეტების საინჟინრო და საბუნებისმეტყველო სპეციალობების საგანმანათლებლო პროგრამების მათემატიკის კურსების მოდერნიზაცია თანამედროვე ტექნოლოგიების შესაბამისად“. სამი დღის განმავლობაში ქართველი, გერმანელი და სომეხი მათემატიკოსები საინჟინრო და საბუნებისმეტყველო სპეციალობების საგანმანათლებლო პროგრამების მათემატიკის კურსების მოდერნიზაციის საკითხებს განიხილავენ. სწავლება ითვალისწინებს STEM (მეცნიერება, ტექნოლოგია, ინჟინერია და მათემატიკა) დისციპლინებისათვის მათემატიკის კურიკულუმის შედარებით ანალიზს, მათემატიკისა და სტატისტიკის კურიკულუმების სტრუქტურული გაუმჯობესებას ბოლონიის პრინციპებისა და ევროპული გამოცდილების გაზიარებით და ევროპაში აპრობირებული საგანმანათლებლო ტექნოლოგიებთან ერთად სიახლეების დანერგვას პარტნიორ უნივერსიტეტებში.

ბავშვთა დაცვის საერთაშორისო დღე ბათუმის შოთა რუსთაველის სახელმწიფო უნივერსიტეტის ფიზიკა-მათემატიკისა და კომპიუტერულ მეცნიერებათა ფაკულტეტის სტუდენტებმა და პროფესორ-მასწავლებლებმა საქველმოქმედო აქციით აღნიშნეს. ახალგაზრდები ფაკულტეტის აკადემიურ პერსონალთან ერთად ქალაქ ბათუმის შეზღუდული შესაძლებლობის მქონე პირთა სარეაბილიტაციო ცენტრს ეწვივნენ და აღსაზრდელებს ტანსაცმელი, ტკბილეული, სამახსოვრო საჩუქრები გადასცეს. ბავშვთა დაცვის საერთაშორისო დღე 1949 წელს ქალთა საერთაშორისო დემოკრატიულმა ფედერაციამ დააწესა და 1950 წლიდან მსოფლიოს მრავალ ქვეყანაში აღინიშნება.

ფიზიკა-მათემატიკისა და კომპიუტერულ მეცნიერებათა ფაკულტეტის ფიზიკის სპეციალობის სტუდენტებს მორიგი გასვლითი ლექცია ჩაუტარდათ აბასთუმნის ობსერვატორიაში. მომავალმა ფიზიკოსებმა 40 სმ დიამეტრის მქონე ჭოგრიტით დაკვირვება აწარმოეს მთვარის კრატერებზე და იუპიტერის თანამგზავრებზე. ახალგაზრდები ასევე გაეცნენ აბასთუმნის ობსერვატორიის მუზეუმს. ღონისძიების ფარგლებში ობსერვატორიის მეცნიერ-თანამშრომელმა სტუდენტებს შემეცნებით-ინფორმაციული ლექცია ჩაუტარა აბასთუმნის ობსერვატორიაში მიღწეულ წარმატებებსა და აღმოჩენებზე.