საბუნებისმეტყველო მეცნიერებათა და ჯანდაცვის ფაკულტეტი

სტუდენტებმა საველე ექსპედიციაში მიღეს მონაწილეობა

სურათი

საბუნებისმეტყველო მეცნიერებათა და ჯანდაცვის ფაკულტეტის ბიოლოგიისა და ეკოლოგიის სპეციალობის მეორე კურსის 37-მა სტუდენტმა ბოტანიკისა და ზოოლოგიის სასწავლო საველე პრაქტიკის ფარგლებში საველე ექსპედიციაში მიიღო მონაწილეობა, ახალგაზრდები ერთი კვირის განმავლობაში გოდერძის უღელტეხილის, ვარძიის, ბორჯომ-ხარაგაულის ეროვნული პარკის, აბასთუმნის, ბეშუმის ფლორასა და ფაუნას ეცნობოდნენ. სტუდენტებმა ბუნებრივ პირობებში შეისწავლეს მცენარეთა და ცხოველთა ტაქსონომიური მრავალფეროვნება, გავრცელების კანონზომიერებები. ექსპედიციის მონაწილეებს ჩამოუყალიბდათ საველე ხელსაწყოების გამოყენების, მცენარეთა და ცხოველთა იდენტიფიცირების უნარ-ჩვევები, დაეუფლნენ ჰერბარიუმის მომზადებისა და ეთიკეტირების მეთოდებს.

სასწავლო პრაქტიკის ფარგლებში ბიოლოგიისა და ეკოლოგიის სპეციალობის მეორე კურსის სტუდენტები ასევე იმყოფებოდნენ ბათუმის მხარეთმცოდნეობის მუზეუმში, დელფინარიუმში, ბათუმის ბოტანიკური ბაღში, ბათუმის ზოოპარკსა და აკვარიუმში.

 


უკან

საკონტაქტო ინფორმაცია

საქართველო, ბათუმი, 6010
რუსთაველის/ნინოშვილის ქ. 32/35
ტელ: +995(422) 27–17–80
ფაქსი: +995(422) 27–17–87
ელ. ფოსტა: info@bsu.edu.ge
     

სიახლის გამოწერა