საბუნებისმეტყველო მეცნიერებათა და ჯანდაცვის ფაკულტეტის ბიოლოგიისა და ეკოლოგიის III კურსის სტუდენტებმა გარემოს დაცვის საერთაშორისო დღე კოლხეთის ეროვნული პარკში ეკო-საგანმანათლებლო ტურით აღნიშნეს. პალიასტომი-ფიჩორის ტურისტულ მარშრუტზე გასვლამდე ეროვნული პარკის ბუნებრივი რესურსების უფროსი სპეციალისტი მანანა ჩიქოვანი ახალგაზრდებს ეროვნული პარკის შექმნის კრიტერიუმებზე, კოლხეთის ეროვნული პარკის ბიომრავალფეროვნებაზე, ჭარბტენიანი ტერიტორიების უნიკალურობასა და მოზამთრე წყლის ფრინველებისათვის მათ მნიშვნელობაზე ესაუბრა.

ბიომრავალფეროვნების საერთაშორისო დღის აღსანიშნავად ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის ბიოლოგიისა და ეკოლოგიის პირველი კურსის სტუდენტები პროფესორ-მასწავლებლებთან ერთად ქობულეთის დაცულ ტერიტორიას ეწვივნენ. ახალგაზრდები გაეცნენ მსოფლიოს უნიკალური პერკოლაციური ტიპის სფაგნუმიანი ტორფნარების უნიკალურ მრავალფეროვნებას, რომელიც წარდგენილია UNESCO-ს მსოფლიო ბუნებრივი მემკვიდრეობის უბნის ნომინაციაზე.
სტუდენტებს ცოცხალი ტორფნარის ბიომრავალფეროვნებასა და კონსერვაციის მნიშვნელობაზე ესაუბრნენ ასისტენტ პროფესორი ინგა დიასამიძე, ბსუ-ს ფიტოპათოლოგიისა და ბიომრავალფეროვნების ინსტიტუტის, კოლხეთის ტორფნარებისა და წყლის ეკოსისტემების კონსერვაციის განყოფილების უფროსი, მთავრი მეცნიერ თანამშრომელი იზოლდა მაჭუტაძე და ქობულეთის დაცული ტერიტორიების მთავარი სპეციალისტი სოფიო თხილაიშვილი.

ბათუმის შოთა რუსთაველის სახელმწიფო უნივერსიტეტში დედამიწის საერთაშორისო დღისადმი მიძღვნილი სამეცნიერო კონფერენცია გაიმართა თემაზე: „ნარჩენების მართვა და მისი გამოწვევები“. სესია მიზნად ისახავდა ახალგაზრდებში გარემოს დაცვის საკითხებში,ნარჩენების მართვის საკითხებში ცნობიერების ამაღლებას. კონფერენციაში მონაწილეობა მიიღეს კონკურსის წესით შერჩეულმა აჭარის სკოლების X-XII კლასის მოსწავლეებმა და სტუდენტებმა.

ყარაგანდას სახელმწიფო უნივერსიტეტის პროფესორმა მოჰამად ირფანმა ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის დიპლომირებული მედიკოსის ქართულ და ინგლისურენოვანი პროგრამების სტუდენტებისათვის საჯარო ლექცია წაიკითხა თემაზე: „პათანატომიის შესავალი’’. მომხსენებელმა ახალგაზრდებს სიახლეები გააცნო, არსებულ პრობლემებზე ესაუბრა და შეხვედრის დასასრულს დისკუსია გაიმართა.