31 იანვარს და 27 თებერვალს, საბუნებისმეტყველო მეცნიერებათა და ჯანდაცვის ფაკულტეტს ეწვივნენ საჯარო და კერძო სკოლის მე-12 კლასის მოსწავლეები. ფაკულტეტის დეკანმა, მარინა ქორიძემ და ფაკულტეტის დეპარტამენტის ხელმძღვანელმა დავით ბარათაშვილმა სტუმრებს გააცნეს უნივერსიტეტის საგანმანათლებლო პროგრამები, გაცვლითი პროგრამები და სხვადასხვა სიახლეები. მოსწავლეებმა დაათვალიერეს უნივერსიტეტში არსებული სასწავლო ცენტრები და უახლესი ტექნოლოგიებით აღჭურვილი ლაბორატორიები, მულაჟები. მონაწილეობა მიიღეს სხვადასხვა ექსპერიმენტებსა და ცდებში.

5 მარტს, საბუნებისმეტყველო მეცნიერებათა და ჯანდაცვის ფაკულტეტის ბიოლოგიის დეპარტამენტის ორგანიზებით, პროგრამულ აკრედიტაციასთან დაკავშირებით, მოეწყო შეხვედრა ბიოლოგიისა და ეკოლოგიის საბაკალავრო, სამაგისტრო და სადოქტორო პროგრამების სტუდენტთა და კურსდამთავრებულთა დამსაქმებლებთან. შეხვედრას ესწრებოდნენ აჭარის ა.რ. სოფლის მეურნეობის სამინისტროს, ლაბორატორიების, ცენტრებისა და 20-მდე სხვადახვა უწყების წარმომადგენელი. დამსაქმებლები პროგრამის მოთხოვნებს, სტრუქტურას, სასწავლო კურსების დინამიკას გაეცნენ და რეკომენდაციები და რჩევები წარმოადგინეს. ყურადღება გაამახვილეს პრაქტიკულ მეცადინეობებსა და სტაჟირებაზე, რომელიც გათვალისწინებული იქნება სპეციალური კითხვარის შევსებისას.

აჭარის ა.რ. სოფლის მეურნეობის მინისტრი ტიტე აროშიძე ბსუ-ს ტექნოლოგიური ფაკულტეტის აგრარული მიმართულების და საბუნებისმეტყველო მეცნიერებათა და ჯანდაცვის ფაკულტეტების სტუდენტებს შეხვდა და პროგრამის „აგროსექტორის მდგრადი განვითარების“ ქვეპროგრამა „საგანმანათლებლო და სამეცნიერო პრაქტიკის დანერგვა“ წარუდგინა. ღონისძიების ფარგლებში, ასევე გაიმართა სამინისტროს აგროსერვის ცენტრსა და გარემოს დაცვისა და ბუნებრივი რესურსების სამმართველოში ანაზღაურებადი, ექვსთვიანი სტაჟირების პროგრამის მონაწილე ექვსი სტუდენტის შემაჯამებელი პრეზენტაცია. სოფლის მეურნეობის მინისტრმა ტიტე აროშიძემ ახალგაზრდებს მადლობა გადაუხადა სტაჟირების პროგრამაში წარმატებული მონაწილეობისათვის და ბათუმის შოთა რუსთაველის სახელმწიფო უნივერსიტეტის რექტორთან მერაბ ხალვაშთან ერთად სერტიფიკატები გადასცა.

ბათუმის შოთა რუსთაველის სახელმწიფო უნივერსიტეტში ზღვის ძუძუმწოვრების დაცვის საერთაშორისო დღე აღინიშნა. საბუნებისმეტყველო მეცნიერებათა და ჯანდაცვის ფაკულტეტის ბიოლოგიის დეპარტამენტი ორგანიზებით გამართულ ღონისძიებაზე ბიოლოგიის სპეციალობის სტუდენტებმა და კურსდამთავრებულებმა პრეზენტაციები წარმოადგინეს. თიკო ჯოგლიძემ, ელენე კურტანიძემ და ლაურა ხოზრევანიძემ იმსჯელეს ზღვის ძუძუმწოვრების დაცვასთან დაკავშირებულ აქტუალურ საკითხებზე.

საბუნებისმეტყველო მეცნიერებათა და ჯანდაცვის ფაკულტეტის ქიმიის, ბიოლოგიის, ეკოლოგიისა და გეოგრაფიის სადოქტორო, სამაგისტრო და საბაკალავრო საგანმანათლებლო პროგრამების შემუშავების მიზნით შექმნილი სამუშაო ჯგუფების გაერთიანებული სხდომა. გაიმართა. შეხვედრაზე ჯგუფის წევრებმა განიხილეს უმაღლესი საგანმანათლებლო პროგრამების აკრედიტაციის სტანდარტების შეფასების სახელმძღვანელო, აკრედიტაციის თვითშეფასების ანგარიში და სხვა დოკუმენტაცია.