მეტეოროლოგიის საერთაშორისო დღე ბსუ-ს საბუნებისმეტყველო მეცნიერებათა და ჯანდაცვის ფაკულტეტის პროფესორ-მასწავლებლებმა, სტუდენტებმა და კურსდამთავრებულებმა ონლაინ ვორქშოპით აღნიშნეს. ასისტენტ პროფესორმა ხათუნა ჭიჭილეიშვილმა და ასოცირებულმა პროფესორმა მერაბ მგელაძემ სტუდენტებს გააცნეს მეტეოროლოგიის სამეცნიერო-პრაქტიკული მნიშვნელობა და დარგის თანამედროვე მიმართულებები მიმოიხილეს. კურსდამთავრებულმა კობა ფარტენაძემ ისაუბრა ამინდის პროგნოზირებასთან დაკავშირებულ საკითხებზე.

ბსუ-ს საბუნებისმეტყველო მეცნიერებათა და ჯანდაცვის ფაკულტეტის ეკოლოგიის, ბიოლოგიისა და გეოგრაფიის სპეციალობის სტუდენტებმა ტყის დაცვის საერთაშორისო დღე გამწვანების აქციაში მონაწილეობით აღნიშნეს. ღონისძიება ქალაქის ბათუმის მუნიციპალიტეტის ბათუმის გამწვანებისა და ლანდშაფტური დაგეგმარების სამსახურის ორგანიზებით გაიმართა და მიზნად ისახავდა ახალგაზრდა თაობის ცნობიერების ამაღლებას გამწვანებისა და ტყის მნიშვნელობის შესახებ. სტუდენტებმა დარგეს სხვადასხვა სახეობის ხე-მცენარე და ბუჩქი ქალაქის ტერიტორიაზე გახსნილი ახალი სკვერის გასამწვანებლად.

ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის ორგანიზებით დაუნის სინდრომის საერთაშორისო დღისადმი მიძღვნილი საინფორმაციო კამპანია ჩატარდა. გენეტიკის სპეციალობის I კურსის მაგისტრანტებმა ისაუბრეს დაუნის სინდრომის გამომწვევ მექანიზმებზე, ადრეული დიაგნოსტირებისა და მკურნალობის გზებზე, ასვე დამსწრე საზოგადოებას გააცნეს დაუნის სინდრომის მქონე წარმატებული ადამიანები.ღონისძიება მიზნად ისახავდა სტუდენტების ინფორმირებასა და ცნობიერების ამაღლებას. 21 მარტი 2011 წელს, გაერთიანებული ერების ორგანიზაციის ინიციატივით, დაუნის სინდრომის საერთაშორისო დღედ გამოცხადდა.

საბუნებისმეტყველო მეცნიერებათა და ჯანდაცვის ფაკულტეტის ბიოლოგიის დეპარტამენტის ორგანიზებით, პროგრამულ აკრედიტაციასთან დაკავშირებით, მოეწყო ონლაინ შეხვედრა Zoom-ის ონლაინ პლათფორმაზე, ბიოლოგიის საბაკალავრო, სამაგისტრო, სადოქტორო პროგრამების, ეკოლოგიის საბაკალავრო და სამაგისტრო პროგრამების სტუდენტებთან, კურსდამთავრებულთან და დამსაქმებლებთან. შეხვედრას ესწრებოდნენ დაავადებათა კონტროლისა და საზოგადოებრივი ჯანმრთელობის ეროვნული ცენტრის, ბათუმის ბოტანიკური ბაღის, მტირალას ეროვნული პარკის, გარემოს ეროვნული სააგენტოს, მეთევზეობისა და შავი ზღვის მონიტორინგის სამეცნიერო ცენტრებისა და 20-მდე სხვადახვა უწყების წარმომადგენლები. დამსაქმებლები გაეცნენ საგანმანათლებლო პროგრამის მოთხოვნებს და სტრუქტურას, წარმოადგინეს რეკომენდაციები და რჩევები. შეხვედრაზე მონაწილეებმა ყურადღება გაამახვილეს ასევე პრაქტიკულ მეცადინეობებსა და სტუდენტთა სტაჟირების პროგრამებზე.

ბსუ-ში საქართველოს განათლების, მეცნიერების, კულტურისა და სპორტის სამინისტროს რეკომენდაციითა და საბუნებისმეტყველო მეცნიერებათა და ჯანდაცვის ფაკულტეტის ორგანიზებით 5-7 ნოემბერს ონლაინ ტრენინგ-კურსი „ახალი კორონავირისული დაავადება COVID-19 - ადაპტირებული სწავლების კურსი სტუდენტებისთვის’’ ჩატარდა. კურსის პროგრამა ბსუ-ს პროფესორმა სოფიო ბერიძემ მოამზადა. ტრენინგი მედიცინის დამამთავრებელი კურსის სტუდენტების გადამზადებას, სამედიცინო პერსონალის რეზერვის შექმნას და საჭიროების შემთხვევაში სამედიცინო პერსონალის COVID-19-ით გამოწვეული დაავადების მართვაში დახმარებას ითვალისწინებდა.