მემორანდუმი ებერსვალდეს მდგრადი განვითარების უმაღლეს სასწავლებელთან

სურათიშოთა რუსთაველის სახელმწიფო უნივერსიტეტს სამდღიანი, საპასუხო ვიზიტით გერმანიის ბრანდენბურგის ფედერალური მიწის დელეგაცია ეწვია. ვიზიტი ორ ქვეყანას შორის თანამშრომლობის გაღრმავებასა და ერთობლივი პროექტების განხორციელებას ითვალისწინებს. რსუ-ს რექტორმა, პროფესორმა ალიოშა ბაკურიძემ და ებერსვალდეს მდგრადი განვითარების უმაღლესი სასწავლებლის პრეზიდენტმა, პროფესორმა ვილჰელმ-გიუნტერ ვარსონმა ხელი მოაწერეს თანამშრომლობის მემორანდუმს. ხელშეკრულების თანახმად განხორციელდება პროფესორ-მასწავლებლების, მკვლევრების, ბაკალავრებისა და მაგისტრების ერთობლივი გაცვლითი პროგრამები, ჩატარდება ერთობლივი კონფერეცნიები და სემინარები. მხარეები ასევე სასწავლო, სამეცნიერო და მეთოდოლოგიური ლიტერატურის ურთიერთგაცვლაზე, საგანმანათლებლო და კვლევითი მენეჯმენტის გამოცდილების გაზიარებასა და ბიბლიოთეკის ონლაინ-რეჟიმში გამოყენებაზე შეთანხმდნენ.

დელეგაციის წევრები აჭარის ა.რ უმაღლესი საბჭოს თავმჯდომარეს მიხეილ მახარაძესა და ქალაქ ბათუმის მერს რობერტ ჩხაიძეს შეხვდებიან. სტუმრები ასევე ბათუმის სამშენებლო ობიექტებსა და ღირშესანიშნაობებს დაათვალიერებენ.

დელეგაციის შემადგენლობაში არიან:
• პავლე შპეტიშვილი - ბრანდენბურგი-საქართველოს საზოგადოების თავმჯდომარე პოტსდამში;
• იენს ლიპსდორფი - ბრანდენბურგის ფედერალური მიწის პარლამენტის წევრი, მეცნიერების, კვლევისა და კულტურის კომისიის თავმჯდომარე, თავისუფალ დემოკრატთა პარტიის (FDP) წევრი;
• ვილჰელმ - გიუნტერ ვარსონი - პროფესორი, ებერსვალდეს მდგრადი განვითარების უმაღლესი სასწავლებლის პრეზიდენტი;

უკან

საკონტაქტო ინფორმაცია

საქართველო, ბათუმი, 6010
რუსთაველის/ნინოშვილის ქ. 32/35
ტელ: +995(422) 27–17–80
ფაქსი: +995(422) 27–17–87
ელ. ფოსტა: info@bsu.edu.ge
     

სიახლის გამოწერა