ბსუ-ს ნაკრები ქვიშის ფეხბურთის საქართველოს ეროვნული ჩემპიონატის ვიცე- ჩემპიონია

სურათი

ბათუმის შოთა რუსთაველის სახელმწიფო უნივერსიტეტი ქვიშის ფეხბურთის საქართველოს ეროვნული ჩემპიონატის ვიცე-ჩემპიონია. ბსუ-ს ქვიშის ნაკრებმა წარმატებით იასპარეზა საქართველოს ეროვნულ ჩემპიონატში, 4 აგვისტოს 1/4 ფინალურ მატჩში ბსუ-ს გუნდმა ანგარიშით 11-3 დაამარცხა თბილისი. 5 აგვისტოს 1/2 ფინალი ძალიან დრამატულად წარიმართა და ბსუ-მ პენალტების სერიით ბათუმის საზღვაო აკადემიის გუნდი დაამარცხა რითაც გუნდმა მოიპოვა საგზური ქვიშის ფეხბურთის ევროპის ჩემპიონთა ლიგაზე, რომელიც 2019 წლის მაისში გაიმართება პორტუგალიის ქალაქ ნაზარეში. 6 აგვისტოს გამართულ ფინალურ შეხვედრაში ბსუ-ს ნაკრებს ბათუმის დინამომ სძლია და ჩემპიონის ტიტული მოიპოვა, ხოლო ბსუ-ს ნაკრები ჩემპიონატის ვიცე-ჩემპიონი გახდა.

ჩემპიონატი  საქართველოს ფეხბურთის ფედერაციისა და აჭარის ფეხბურთის ფედერაციის ორგანიზებით  გაიმართა და მასში მონაწილიოებას ღებულობდა შემდეგი კლუბები: ბათუმი ,,დინამო” თელავი ,,კახეთი", ,,მართვე" ქუთაისი, ,,ბათუმის შოთა რუსთაველის სახელმწიფო უნივერსიტეტი", თბილისის ,,თბილისი", ფოთის ,,კოლხეთი" და ბათუმის სახელმწიფო საზღვაო აკადემია.

ბათუმის შოთა რუსთაველის სახელმწიფო უნივერსიტეტი ულოცავს ბსუ-ს ქვიშის ნაკრებს ღირსეულ გამარჯვებას და წარმატებებს უსურვებს..

 


უკან

საკონტაქტო ინფორმაცია

საქართველო, ბათუმი, 6010
ნინოშვილის/რუსთაველის ქ. 35/32
ტელ: +995(422) 27–17–80
ფაქსი: +995(422) 27–17–87
ელ. ფოსტა: info@bsu.edu.ge
     

სიახლის გამოწერა