ბსუ-ში საქართველოს დამოუკიდებლობის დღისადმი მიძღვნილი საჯარო ლექციები ჩატარდება. 12:00 საათზე, 32-ე აუდიტორიაში ლექციებს წაიკითხავენ პროფესორები ოთარ გოგოლიშვილი, მურმან გორგოშაძე და ასოცირებული პროფესორი პაატა აროშიძე.
24 მაისს, 15:00 საათზე, 55-ე აუდიტორიაში გაიმართება აჭარის განათლების. კულტურის და სპორტის სამინისტროს უმაღლესი განათლების დახმარების პროგრამის ფარგლებში თარგმნილი და გამოცემული წიგნის “მცირე ადგილები, ვრცელი საკითხები” (შესავალი სოციალურ და კულტურულ ანთროპოლოგიაში) ქართულენოვანი გამოცემის პრეზენტაცია და ლექცია თემაზე: “რატომ არის ანთროპოლოგია მნიშვნელოვანი დღეს, ვიდრე ოდესმე”, მომხსენებელი ოსლოს უნივერსიტეტის პროფ. თომას ჰილანდ ერიქსენი.
24 მაისს, 20:00 სთ-ზე, თავისუფალ სივრცეში „სარდაფი 21“ გაიმართება ბათუმის შოთა რუსთაველის უნივერსიტეტის დასის „ თეატრონის “ მსახიობის, ლევან გორგილაძის მონოსპექტაკლი „ფერონი“. სპექტაკლის თემა ეხება ძალადობის ფაქტებს.
რეჟისორი - ლევან გორგილაძე; მსახიობი - ლევან გორგილაძე ; დრამატურგი - გიორგი გიოვანი.
21 მაისს, 13:00 საათზე, ბათუმის შოთა რუსთაველის სახელმწიფო უნივერსიტეტში, 21-ე აუდიტორიაში (თავისუფალი სივრცე) ქართველი ჟურნალისტი დათო ლიკლიკაძე საჯარო ლექციას წაიკითხავს თემაზე: ჰიბრიდული ომი და რუსული საფრთხეები. ღონისძიება ბსუ-ს სტუდენტური პროექტის „ლიბერრუმის“ ფარგლებში იმართება.
20 მაისს, 14:00 სთ-ზე, 55-ე აუდიტორიაში გაიმართება საჯარო ლექცია, თემაზე: "კვლევაზე დაფუძნებული სწავლება და სამეცნიერო კვლევების ხარისხის მნიშვნელობა უმაღლეს საგანმანათლებლო დაწესებულებების განვითარებისთვის".
მომხსენებელი: ივანე ჯავახიშვილის სახელობის თბილისის სახელმწიფო უნივერსიტეტის, ფსიქოლოგიის მიმართულების სრულ პროფესორი, მარინე ჩიტაშვილი
ღონისძიება ბსუ-ს სტუდენტური პროექტების კონკურსში გამარჯვებული პროექტის: „სტუდენტები განვითარებისთვის“-ის ფარგლებში ტარდება.
