ღია კარის დღეები - 2018 დაიწყო
15 მარტი 2018 წელი
ბათუმის შოთა რუსთაველის სახელმწიფო უნივერსიტეტმა აბიტურიენტებისათვის ღია კარის დღეები - 2018 დაიწყო. პროფესორ-მასწავლებლებმა და სტუდენტებმა ბათუმის საჯარო და კერძო სკოლების მეთორმეტე კლასის მოსწავლეებს უნივერსიტეტის საგანმანათლებლო პროგრამები, საუნივერსიტეტო ცხოვრება, სოციალური პროგრამები, სტიპენდიები, გაცვლითი პროგრამები და არსებული სიახლეები გააცნეს. 2018-2019 სასწავლო წელს ბსუ-ში 40-მდე საბაკალავრო საგანმანათლებლო პროგრამაზე 1360 პირველკურსელი ჩაირიცხება, მათგან 460 სახელმწიფო დაფინანსებით ისწავლის. შეხვედრის მონაწილეებს ბათუმის შოთა რუსთაველის სახელმწიფო უნივერსიტეტის საინფორმაციო ბუკლეტები და სამახსოვრო საჩუქრები გადაეცათ.