უნივერსიტეტში მინერალოგიისა და ზოოლოგიის კაბინეტები გაიხსნა

სურათი
საბუნებისმეტყველო მეცნიერებათა და ჯანდაცვის ფაკულტეტზე განახლებული ზოოლოგიისა და მინერალოგიის კაბინეტები გაიხსნა. თანამედროვე სტანდარტებით მოწყობილ კაბინეტებში პროფესორ-მასწავლებლებისა და ლაბორანტების მიერ წლების განმავლობაში შეგროვებული უნიკალური მინერალოგიური ექსპონატები და ნიმუშები განთავსდა. სასწავლო თვალსაჩინოებისათვის განკუთვნილი ინტერიერი და საგამოფენო სტენდები საბუნებისმეტყველო მიმართულების სტუდენტებისათვის პრაქტიკული უნარ-ჩვევების ჩამოყალიბებასა და სასწავლო პროცესის ეფექტურობას შეუწყობს ხელს.
 
მინერალოგიის კაბინეტში საქართველოს სხვადასხვა რეგიონიდან, ასევე სომხეთიდან, უკრაინიდან და რუსეთიდან, განსაკუთრებით ურალის მთებიდან შეგროვებული კოლექციაა თავმოყრილი. ზოოლოგიის კაბინეტში უხერხემლო და ხერხემლიან ცხოველთა ექსპონატებია განთავსებული. უახლოეს მომავალში კაბინეტების ახალი ნიმუშებით შევსებაა დაგეგმილი. 
 
მინერალოგიისა და ზოოლოგიის კაბინეტების განახლება 2015 წელს, უნივერსიტეტში მიმდინარე სარეაბილიტაციო სამუშაოების ფარგლებში მოხდა. მიმდინარე წელს ასევე დაგეგმილია 5-სართულიანი სასწავლო კორპუსის გარემონტება.
 

უკან

საკონტაქტო ინფორმაცია

საქართველო, ბათუმი, 6010
რუსთაველის/ნინოშვილის ქ. 32/35
ტელ: +995(422) 27–17–80
ფაქსი: +995(422) 27–17–87
ელ. ფოსტა: info@bsu.edu.ge
     

სიახლის გამოწერა